മുംബൈയിൽ കേടായ റെയിൽപാളം  തുണികൊണ്ട്​ ഘടിപ്പിച്ചു: വിശദീകരണവുമായി റെയിൽവേ

മുംബൈ: മഴയിൽ തകർന്ന റെയിൽപാളം തുണികൊണ്ട്​ കെട്ടിവെച്ച സംഭവത്തിൽ വിശദീകരണവുമായി റെയിൽവേ. ​കേടായ ​പാളത്തി​​​െൻറ ഭാഗം തുണികൊണ്ട്​ ഘടിപ്പിച്ചതല്ലെന്നും ആ ഭാഗം ​റെയിൽ തൊഴിലാളികൾക്ക്​ മനസിലാക്കാൻ അടയാളപ്പെടുത്തിയതാണെന്നും കേന്ദ്ര റെയിൽവേ അറിയിച്ചു. 

മുംബൈ സബർബൻ റെയിൽവേയുടെ ഹാർബർ ​ലൈനിൽ ഗോവന്ദി, മാൻഗണ്ഡ്​ സ്​റ്റേഷനിടയിലാണ്​ സംഭവം. കേടായ റെയിൽപാളത്തി​​​െൻറ ഭാഗം ജീവനക്കാർ നീല തുണിക്കഷ്​ണംകൊണ്ട്​ കെട്ടിവെക്കുന്നതി​​​െൻറ ദൃശ്യങ്ങൾ പ്രചരിക്കുകയായിരുന്നു. എന്നാൽ ദൃശ്യങ്ങൾ തെറ്റായി വ്യഖ്യാനിക്കപ്പെടുകയായിരുന്നുവെന്ന്​ റെയിൽ വേ വിശദീകരിച്ചു. ട്രാക്ക്​ പരിശോധന നടത്തുന്നവർ പാളം തകർന്ന ഭാഗം അറ്റകുറ്റപ്പണി നടത്തുന്ന ജീവനക്കാർക്ക്​ പെട്ടന്ന്​ മനസിലാക്കുന്നതിന് പെയിൻറ്​ ​ഉപയോഗിച്ച്​ വരക്കുകയാണ്​ ചെയ്യാറുള്ളത്​. എന്നാൽ മഴയായതിനാൽ പെയിൻറ്​  ഉപയോഗിക്കാൻ കഴിയാത്ത സാഹചര്യത്തിലാണ്​ തുണികൊണ്ട്​ അടയാളപ്പെടുത്തിയതെന്നും ഇതി​​​െൻറ നിജസ്ഥിതി അറിയാതെയാണ്​ വിഡിയോ ദൃശ്യം പ്രചരിപ്പിച്ചതെന്നും​ റെയിൽവേ വിശദീകരണകുറുപ്പിൽ പറയുന്നു.  അരമണിക്കൂറിനകം ​തകർന്ന പാളം ശരിയാക്കി ഗതാഗതം പുനഃസ്ഥാപിച്ചിരുന്നതായും റെയിൽ വേ അറിയിച്ചു. 

റെയിൽവേ സുരക്ഷിതത്വം ഉറപ്പുനൽകുന്നുണ്ടെന്നും അതിൽ വിട്ടുവീഴ്​ചയില്ലാതെയാണ്​ ജീവനക്കാർ ജോലിചെയ്യുന്നതെന്നും വിശദീകരണകുറിപ്പിൽ പറയുന്നു. 

മുംബൈയിൽ കനത്ത മഴമൂലം കഴിഞ്ഞ ദിവസങ്ങളിൽ സബർബൻ ​സർവീസുകൾ  മുടങ്ങിയിരുന്നു.