മനോഹർ പരീക്കറെ ഡൽഹി എയിംസിലേക്ക്​ മാറ്റി

ന്യൂഡൽഹി: ദീർഘകാലമായി അസുഖബാധിതനായ ഗോവ മുഖ്യമ​ന്ത്രി മനോഹർ പരീക്കറെ പ്രത്യേക വിമാനത്തിൽ ഡൽഹിയിലെത്തിച്ച്​ അഖി​േലന്ത്യാ മെഡിക്കൽ സയൻസസ്​ ഇൻസ്​റ്റിറ്റ്യൂട്ടിൽ പ്രവേശിപ്പിച്ചു. ബി.ജെ.പി അധ്യക്ഷൻ അമിത്​ഷായുമായി പരീക്കർ വെള്ളിയാഴ്​ച സംസാരിച്ചിരുന്നു. സംസ്​ഥാനത്തെ രാഷ്​ട്രീയ കാര്യങ്ങളും ആരോഗ്യ നിലയും ചർച്ചയായി.

ഇതിനു പിന്നാലെയാണ്​ വിദഗ്​ധ ചികിത്​സക്ക്​ ഡൽഹിയിലേക്ക്​ മാറ്റിയത്​. മുഖ്യമന്ത്രി സ്​ഥാനത്തേക്ക്​ പകരക്കാരനെ തീരുമാനിച്ചിട്ടില്ല. പരീക്കർ മുഖ്യമന്ത്രിയായി തുടരുമെങ്കിലും ചില വകുപ്പുകൾ മറ്റു മന്ത്രിമാരെ ഏൽപിക്കുമെന്ന്​ പാർട്ടി വ​ൃത്തങ്ങൾ സൂചിപ്പിച്ചു. ​പരീക്കർക്കു പുറമെ ഗോവ മന്ത്രിമാരായ പാണ്​ഡുരംഗ്​ മദ്​കൈക്കർ, ഫ്രാൻസിസ്​ ഡിസൂസ എന്നിവരും രോഗബാധിതരാണ്​. ഇവരെ മാറ്റിയേക്കും.കരളിന്​ ഗുരുതര അസുഖം ബാധിച്ച മനോഹർ പരീക്കർ ഇൗ വർഷാദ്യം മൂന്നു മാസം അമേരിക്കയിൽ ചികിത്​സയിലായിരുന്നു.

തിരിച്ചു വന്ന്​ ചുമതല ഏറ്റെടുത്തെങ്കിലും കഴിഞ്ഞയാഴ്​ചയും പോയി. തി​രിച്ചെത്തിയ ദിവസങ്ങൾക്കകം ഗോവ ആശുപത്രിയിൽ​ പ്രവേശിപ്പിക്കപ്പെട്ടു. അവിടെ നിന്നാണ്​ ഡൽഹിയിലേക്ക്​ മാറ്റിയത്​. പ്രതിരോധ മന്ത്രിയായിരുന്ന മനോഹർ പരീക്കറെ ഗോവ തെരഞ്ഞെടുപ്പു സമവാക്യങ്ങൾ മുൻനിർത്തിയാണ്​ മുഖ്യമന്ത്രിയായി ബി.ജെ.പി തിരിച്ചയച്ചത്​. എന്നാൽ പരീക്കറുടെ അസുഖം സംസ്​ഥാന ഭരണം മിക്കവാറും സ്​തംഭിപ്പിച്ചു.

സഖ്യകക്ഷികൾക്കും പാർട്ടിക്കാർക്കും പരീക്കർക്കു പകരം സ്വീകാര്യനായൊരു നേതാവില്ല. ഇൗ പ്രശ്​നമാണ്​ ഗോവ ഭരണത്തിൽ പുകയുന്നത്​.