161 അടി ഉയരമുള്ള ആഞ്ജനേയ പ്രതിമ അനാച്ഛാദനം ചെയ്ത് കർണാടക മുഖ്യമന്ത്രി ബൊമ്മൈ
text_fieldsകുനിഗൽ താലൂക്കിലെ ബിഡനഗരെയിൽ 161 അടി ഉയരമുള്ള പഞ്ചമുഖമുള്ള ആഞ്ജനേയ പ്രതിമ ഞായറാഴ്ച കർണാടക മുഖ്യമന്ത്രി ബസവരാജ് ബൊമ്മൈ അനാച്ഛാദനം ചെയ്തു. സംസ്ഥാനത്തിന് ഇനി നല്ല നാളുകൾ വരുമെന്ന് മുഖ്യമന്ത്രി പറഞ്ഞു. ബിദനഗെരെ ബസവേശ്വര മഠമാണ് പ്രതിമ സ്ഥാപിച്ചത്. വരും ദിവസങ്ങളിൽ ഈ മേഖലയിൽ വൻ വികസനമുണ്ടാകുമെന്നും ബൊമ്മൈ പറഞ്ഞു.
"രാമായണത്തിൽ പരാമർശിച്ചിട്ടുള്ള ഹനുമാന്റെ പ്രത്യേക രൂപമാണ് പഞ്ചമുഖി ആഞ്ജനേയ. ലോകക്ഷേമത്തിനായാണ് ഹനുമാൻ ഈ രൂപം സ്വീകരിച്ചത്. 161 അടി ഉയരമുള്ള തന്റെ പ്രതിമ കർണാടകയിൽ സ്ഥാപിക്കണമെന്നത് ഹനുമാന്റെ ദിവ്യാഭിലാഷമാണ്. ശിൽപികൾ അത്ഭുതകരമായി ജോലി തീർത്തു" -ബൊമ്മൈ പറഞ്ഞു. നഞ്ചാവദൂത സ്വാമിജി, ഹരിഹര വീരശൈവ പഞ്ചമസാലി പീഠം ദർശകൻ വചനാനന്ദ സ്വാമിജി തുടങ്ങിയവർ സന്നിഹിതരായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.