കശാപ്പിനെതിരെ കർശന നടപടി: ബുലന്ദ്​ ശഹർ കൊലപാതകത്തിൽ മൗനം പാലിച്ച്​ യോഗി

ലക്​നോ: ഉത്തർപ്രദേശിലെ ബുലന്ദ്​ശഹറിൽ ഗോവധം ആരോപിച്ച്​ സംഘപരിവാർ നടത്തിയ കലാപത്തിലും കൊലപാതകത്തിലും മൗനം പാലിച്ച്​ മുഖ്യമന്ത്രി യോഗി ആദിത്യനാഥ്​. ബുലന്ദ്​ശഹറിലെ സ്ഥിതിഗതികൾ ചർച്ച ചെയ്യുന്നതിനായി ​ചൊവ്വാഴ്​ച രാത്രി നടന്ന ഉന്നത പൊലീസ്​ ഉദ്യോഗസ്ഥരുടെ യോഗത്തിൽ പശു കശാപ്പ്​ നടത്തുന്നവർക്കെതിരെ കർശന നടപടിയുണ്ടാകണമെന്ന്​ നിർദേശിച്ചു. എന്നാൽ പൊലീസ്​ ഇൻസ്​പെക്​ടർ സുബോധ്​ സിങ്ങി​​​​െൻറ കൊലപാതകവുമായി ബന്ധപ്പെട്ട്​ പ്രതികരിക്കാൻ യോഗി ആദിത്യനാഥ്​ തയാറായില്ല.

സുബോധ്​ സിങ്ങി​​​​െൻറ കുടുംബത്തെ സന്ദർശിക്കുന്നത്​ സംബന്ധിച്ചും മുഖ്യമന്ത്രിയിൽ നിന്ന്​ സ്ഥിരീകരണം ഉണ്ടായിട്ടില്ല. യോഗത്തിനിടെ സുബോധ്​ സിങ്ങി​​​​െൻറ കൊലപാതകത്തെ കുറിച്ച്​ ഒരു വാക്ക്​ പോലും യോഗി സംസാരിച്ചില്ലെന്നും പൊലീസ്​ ഉദ്യോഗസ്ഥർ വെളിപ്പെട​ുത്തി.

കലാപവും പൊലീസ്​ ഇൻസ്​പെക്​ടർ സുബോധ്​ കുമാർ സിങ്ങി​​​​െൻറ കൊലപാതകവും ആസൂത്രിതമാണെന്നും സംഭവത്തിൽ നേരി​േട്ടാ അല്ലാതെയോ പങ്കുള്ളവരെ ​ഉടൻ പിടികൂടുമെന്നും അഡീഷണൽ ചീഫ്​ സെ​ക്രട്ടറി അവിനിഷ്​ അശ്വതി പറഞ്ഞു. ബുലന്ദ്​ ശഹർ കലാപത്തിൽ മുഖ്യമന്ത്രി അന്വേഷണത്തിന്​ ഉത്തരവിട്ടിട്ടുണ്ട്​. പശു കശാപ്പ് നടത്തുന്നവർക്കെതിരെ കർശന നടപടിക്കും മുഖ്യമന്ത്രി നിർദേശം നൽകിയെന്നും ചീഫ്​ സെക്രട്ടറി അറിയിച്ചു.