മൂടൽമഞ്ഞ്: ഡൽഹിയിൽ ട്രെയിൻ ഗതാഗതം താറുമാറായി; 15 സർവീസുകൾ റദ്ദാക്കി

ന്യൂഡൽഹി: കനത്ത മൂടൽമഞ്ഞിനെ തുടർന്ന് രാജ്യ തലസ്ഥാനമായ ഡൽഹിയിൽ റെയിൽ ഗതാഗതം താറുമാറായി. 15 സർവീസുകൾ റദ്ദാക്കി. 39 സർവീസുകൾ വൈകിയപ്പോൾ 11 എണ്ണം പുനഃക്രമീകരിച്ചു. മൂടൽമഞ്ഞിനെ തുടർന്ന് കാഴ്ചപരിധി കുറഞ്ഞതാണ് സർവീസുകളെ പ്രതികൂലമായി ബാധിച്ചത്. 

കാലാവസ്ഥാപഠന കേന്ദ്രത്തിന്‍റെ റിപ്പോർട്ട് പ്രകാരം ഡൽഹിയിൽ ഉയർന്ന അന്തരീക്ഷ ഊഷ്മാവ് 25 ഡിഗ്രി സെൽഷ്യൽസും കുറഞ്ഞത് അഞ്ച് ഡിഗ്രി സെൽഷ്യൽസും ആണ്. ഉച്ചയോട് കൂടി മൂടൽമഞ്ഞിൽ കുറവ് വരുമെന്നാണ് അധികൃതരുടെ വിലയിരുത്തൽ.