ഗാന്ധിയുടെ സ്വപ്​നങ്ങൾ പൂർത്തീകരിക്കാൻ എല്ലാവരും മുന്നിട്ടിറങ്ങണം -മോദി

ന്യൂഡൽഹി: രാഷ്​ട്രപിതാവ്​ മഹാത്​മാ ഗാന്ധിയു​െട 150ാം ജന്മവാർഷികം ആ​ചരിച്ച്​ രാജ്യം. പ്രധാനമന്ത്രി നരേന്ദ്ര മോദി, രാഷ്​ട്രപതി രാംനാഥ്​ കോവിന്ദ്, ഉപരാഷ്​ട്രപതി വെങ്കയ്യ നായിഡു​ തുടങ്ങിയവർ രാജ്​ഘട്ടിലെ ഗാന്ധിജിയുടെ സമാധിസ്​ഥല​െത്തത്തി ആദരാഞ്​ജലികൾ അർപ്പിച്ചു. ഗാന്ധിജിയുടെ150ാം ജന്മവാർഷികത്തിൽ എല്ലാവരും മുന്നോട്ടു വന്ന്​ അദ്ദേഹത്തി​​​െൻറ സ്വപ്​നങ്ങൾ പൂർത്തീകരിക്കാൻ വേണ്ടി പ്രവർത്തിക്കണമെന്ന്​ പ്രധാനമന്ത്രി ട്വീറ്റ്​ ചെയ്​തു.

കോൺഗ്രസ്​ അധ്യക്ഷൻ രാഹുൽ ഗാന്ധിയും സോണിയാ ഗാന്ധിയും സമാധി സ്​ഥലത്തെത്തി ആദരാഞ്​ജലികൾ അർപ്പിച്ചു. ഗാന്ധിജി പ്രതിമയല്ല, മറിച്ച്​ ഇന്ത്യ പാലിക്കുന്ന ആശയങ്ങളിലൂടെയും മൂല്യങ്ങളിലൂടെയും അദ്ദേഹം ഇന്നും ജീവിച്ചിരിക്കുന്നു. സത്യവും അഹിംസയും പുലർത്തുന്നതിനാണ്​ അദ്ദേഹം ജീവിച്ചത്​, മരിച്ചതും അതിനുവേണ്ടിത്തന്നെ. അതാണ്​ ഇന്ത്യയുടെ ആണിക്കല്ലെന്നും യഥാർഥ രാജ്യസ്​നേഹികൾ ഇവ കാത്തുസൂക്ഷിക്കണമെന്നും രാഹുൽ ട്വീറ്റ്​ ചെയ്​തു. വിവിധ സംസ്​ഥാനങ്ങളും ഗാന്ധിജയന്തി വിപുലമായി ആചരിച്ചു.