വാണിജ്യ സിലിണ്ടർ വില വീണ്ടും വർധിപ്പിച്ചു; കൂട്ടിയത്​ 72.50 രൂപ

ന്യൂഡൽഹി: വാണിജ്യ ആവശ്യങ്ങൾക്കുള്ള പാചക വാതക സിലിണ്ടറിന്‍റെ വില വർധിപ്പിച്ചു. 19 കിലോ സിലിണ്ടറിന്​ 72.50 രൂപയാണ്​ വർധിപ്പിച്ചത്​. ഹോട്ടലുകളിലും മറ്റും ഉപയോഗിക്കുന്ന പാചകവാതക സിലിണ്ടറിന്​ ഇപ്പോൾ 1623 രൂപയായി​ വില.

വാണിജ്യ സിലിണ്ടറിന്​ ഈ വർഷം 303 രൂപയാണ്​ വർധിപ്പിച്ചത്​. ഗാർഹിക ആവശ്യങ്ങൾക്കുള്ള പാചകവാതക സിലിണ്ടറിന്​ വില വർധിപ്പിച്ചിട്ടില്ല. ജൂലൈയിൽ 25.50 രൂപ വർധിപ്പിച്ചിരുന്നു. ഗാർഹിക ആവശ്യങ്ങൾക്കുള്ള പാചകവാതക സിലിണ്ടറിന് 834.50 രൂപയാണ്​ വില.