വർഗീയ വിദ്വേഷ പ്രചാരണത്തിന്​ അവസരമൊരുക്കി; ട്വിറ്റർ ഇന്ത്യക്കെത​ിരെ വീണ്ടും കേസ്​

ന്യൂഡൽഹി: രാജ്യത്ത്​ പുതിയ ഐ.ടി നിയമത്തി​െൻറ തലവേദനയിൽ നട്ടംതിരിയുന്നതിനിടെ ട്വിറ്റർ ഇന്ത്യക്കെതിരെ വീണ്ടും കേസ്​. വർഗീയ വിദ്വേഷ പ്രചാരണത്തിന്​ ഡൽഹി പൊലീസ്​ സൈബർ സെല്ലാണ്​ കേസ്​ രജിസ്​റ്റർ ചെയ്​തത്​. അഡ്വ. ആദിത്യ സിങ്​ ദേശ്​വാളി​െൻറ പരാതിയിൽ ട്വിറ്റർ ഇന്ത്യ ​മാനേജിങ്​ ഡയറക്​ടർ മനീഷ്​ മഹേശ്വരിക്കെതിരെ പൊലീസ്​ കേസ്​ രജിസ്​റ്റർ ചെയ്യുകയായിരുന്നു.

മനീഷ്​ മഹേശ്വരിയെ കൂടാതെ ട്വിറ്റർ ഇന്ത്യയുടെ പബ്ലിക്​ പോളിസി മാനേജർ ഷാഗുഫ്​ത കമ്രാൻ, റിപബ്ലിക്​ എത്തീസ്​റ്റ് എന്ന​ സംഘടനയുടെ സ്​ഥാപകൻ അർമിൻ നവാബി, സി.ഇ.ഒ സൂസന്ന മക്കിൻട്രി എന്നിവർക്കെതിരെയും കേസെടുക്കണമെന്ന്​ അഭിഭാഷകൻ ആവശ്യപ്പെട്ടു.

എത്തീസ്​റ്റ് റിപബ്ലിക് എന്ന ട്വിറ്റർ പേജിലൂടെ പുറത്തുവിട്ട ഹിന്ദുദൈവം മഹാകാളിയുടെ ചിത്രം മതവികാരം വൃണപ്പെടുത്തുന്നതും സാമുദായിക വിദ്വേഷം പ്രചരിപ്പിക്കുന്നതുമാണെന്നാണ്​ ആരോപണം. ട്വിറ്റർ ഉപഭോക്താക്കൾ പോസ്​റ്റ്​ ചെയ്​ത ഉള്ളടക്കത്തിൽ ദുരുപയോഗം മാത്രമല്ല, ശല്യം, അസൗകര്യം, അപകടം, തടസം,അപമാനം, പരിക്ക്​, ക്രിമിനൽ ഭീഷണി, ശത്രുത, ​വിദ്വേഷം തുടങ്ങിയവ സൃഷ്​ടിക്കുന്നതായും പരാതിയിൽ പറയുന്നു.

ഹിന്ദു മതവി​ശ്വാസത്തെ അപമാനിക്കുന്നതിനായി മനപൂർവം ചിത്രം പോസ്​റ്റ്​ ചെയ്​ത്​ പ്രകോപിപ്പിക്കുകയായിരുന്നു. 2011 മുതൽ സമാനമായ രീതിയിൽ ഹിന്ദു ദൈവങ്ങളെയും മറ്റു മതങ്ങളെയും ഇൗ പേജിലൂടെ അപമാനിക്കുകയാണെന്നും പരാതിയിൽ പറയുന്നു.