ഇന്ത്യയിൽ കോവിഡ്​ ബാധിതർ 148; കൂടുതൽ മഹാരാഷ്​ട്രയിൽ

ന്യൂഡൽഹി: രാജ്യത്ത്​ കോവിഡ്​ ബാധിച്ചവരുടെ എണ്ണം 148 കടന്നു. മഹാരാഷ്​ട്രയിലാണ്​ കൂടുതൽ പേർക്ക്​ രോഗം സ്​ഥിരീ കരിച്ചത്​. ബുധനാഴ്​ച ഒരാൾക്ക്​ കൂടി രോഗം സ്​ഥിരീകരിച്ചതോടെ സംസ്​ഥാനത്ത്​ രോഗബാധിതരുടെ എണ്ണം 42 ആയി.

നെതർലൻഡിൽനിന്നും തിരിച്ചെത്തിയ 28കാരിക്കാണ്​ പൂണെയിൽ കോവിഡ്​ ബാധ സ്​ഥിരീകരിച്ചത്​. ഇവർ ഫ്രാൻസിൽനിന്നുമാണ്​ നെതർലൻഡിൽ എത്തിയത്. മാർച്ച്​ 15ന്​ ഇന്ത്യയിൽ തിരികെയെത്തിയ ശേഷം 17ന്​ ആശുപത്രിയിൽ പ്രവേശിപ്പിക്കുകയായിരുന്നു.

കോവിഡ്​ ബാധയുടെ സാഹചര്യത്തിൽ കർണാടക നിയമസഭ കെട്ടിടമായ ബംഗളൂരുവിലെ വിധാൻ സഭ അണുവിമുക്തമാക്കി

ബി.ജെ.പി എം.പി സുരേഷ്​ പ്രഭു സ്വയം വീട്ടുനിരീക്ഷണത്തിലാണ്​. ​മാർച്ച്​ പത്തിന്​ സുരേഷ്​ പ്രഭു സൗദി അറേബ്യയിൽനിന്നും തിരിച്ചെത്തിയ​ ശേഷമാണ്​ വീട്ടുനിരീക്ഷണത്തിൽ കഴിയുന്നത്​.