വോട്ടെണ്ണൽ നടക്കുന്ന നാല് സംസ്ഥാനങ്ങളിലും നിരീക്ഷകരെ നിയമിച്ച് കോൺഗ്രസ്

ന്യൂഡൽഹി: ഞായറാഴ്ച വോട്ടെണ്ണൽ നടക്കാനിരിക്കുന്ന നാല് സംസ്ഥാനങ്ങളിലും നിരീക്ഷകരെ നിയമിച്ച് കോൺഗ്രസ്. പാർട്ടി അധ്യക്ഷൻ മല്ലികാർജുൻ ഖാർഗെയാണ് രാജസ്ഥാൻ, തെലങ്കാന, മധ്യപ്രദേശ്, ഛത്തീസ്ഗഢ് തുടങ്ങിയ സംസ്ഥാനങ്ങളിൽ നിരീക്ഷകരെ നിയമിച്ചത്. പല സംസ്ഥാനങ്ങളിലും ബി.ജെ.പിയും കോൺഗ്രസും തമ്മിൽ ഇഞ്ചോടിഞ്ച് പോരാട്ടം എക്സിറ്റ് പോളുകൾ പ്രവചിച്ചിരുന്നു.

രാജസ്ഥാനിൽ മുൻ ഹരിയാന മുഖ്യമന്ത്രി ഭൂപീന്ദർ സിങ് ഹൂഡ, മുതിർന്ന പാർട്ടി നേതാവ് മധുസൂദൻ മിസ്‍ട്രി, മുകുൾ വാസ്നിക്, ഷക്കീൽ അഹമ്മദ് ഖാൻ എന്നിവരാണ് നിരീക്ഷകർ. തെലങ്കാനയിൽ കർണാടക ഉപമുഖ്യമന്ത്രി ഡി.കെ ശിവകുമാർ, ദീപ ദാസ് മുൻഷി, അജോയ് കുമാർ, കെ.മുരളീധരൻ, കെ.ജി ജോർജ് എന്നിവരാണ് നിരീക്ഷകർ.

ഛത്തീസ്ഗഢിൽ കോൺഗ്രസ് ട്രഷറർ അജയ് മാക്കൻ, രമേശ് ചെന്നിത്തല, പ്രീതം സിങ് എന്നിവരാണ് നിരീക്ഷകർ. മധ്യപ്രദേശിൽ പാർട്ടി നേതാക്കളായ ആദിർ രഞ്ജൻ ചൗധരി, പൃഥ്വിരാജ് ചവാൻ, രാജീവ് ശുക്ല, ചന്ദ്രകാന്ത് ഹാൻഡോർ എന്നിവരാണ് നിരീക്ഷകർ.

പ്രാ​ദേ​ശി​ക സാ​ഹ​ച​ര്യ​ങ്ങ​ളാ​ണ്​ നി​യ​മ​സ​ഭ തെ​ര​ഞ്ഞെ​ടു​പ്പി​ൽ പ്ര​ധാ​ന​മെ​ങ്കി​ലും ദേ​ശീ​യ നേ​താ​ക്ക​ൾ മു​ന്നി​ട്ടി​റ​ങ്ങി​യ തെ​ര​ഞ്ഞെ​ടു​പ്പു പ്ര​ചാ​ര​ണ​മാ​ണ് ഇന്ന് വോട്ടെണ്ണൽ നടക്കുന്ന നാല് സംസ്ഥാനങ്ങളിലും​ ന​ട​ന്ന​ത്. ബി.​ജെ.​പി ഒ​രു​വ​ശ​ത്തും പ്ര​തി​പ​ക്ഷ പാ​ർ​ട്ടി​ക​ൾ ഇ​ൻ​ഡ്യ​യു​ടെ ബാ​ന​റി​ൽ മ​റു​വ​ശ​ത്തും നി​ൽ​ക്കു​ന്ന​തി​നി​ട​യി​ൽ പു​റ​ത്തു​വ​രു​ന്ന ഫ​ലം, ലോ​ക്സ​ഭ തെ​ര​ഞ്ഞെ​ടു​പ്പി​ലേ​ക്കു​ള്ള പ്ര​വ​ണ​ത​ക​ൾ രൂ​പ​പ്പെ​ടു​ത്തു​ന്ന​തി​ൽ വ​ലി​യ സ്വാ​ധീ​നം ചെ​ലു​ത്തു​മെ​ന്നാ​ണ്​ വി​ല​യി​രു​ത്ത​ൽ.

15 വ​ർ​ഷ​മാ​യി ഭ​രി​ക്കു​ന്ന മ​ധ്യ​പ്ര​ദേ​ശി​ൽ നാ​ലാ​മൂ​ഴം തേ​ടു​ക​യാ​ണ്​ ബി.​ജെ.​പി. ഹി​ന്ദി ഹൃ​ദ​യ​ഭൂ​മി​യി​ലെ പ്ര​ധാ​ന സം​സ്ഥാ​ന​ങ്ങ​ളി​ലൊ​ന്നാ​യ മ​ധ്യ​പ്ര​ദേ​ശി​ൽ ബി.​ജെ.​പി​യെ താ​ഴെ​യി​റ​ക്കി​യാ​ൽ പ്ര​തി​പ​ക്ഷ​നി​ര​ക്ക് വി​ശ്വാ​സ്യ​ത ന​ൽ​കി ലോ​ക്സ​ഭ തെ​ര​ഞ്ഞെ​ടു​പ്പി​നെ മു​ന്നി​ൽ​നി​ന്ന്​ ന​യി​ക്കാ​ൻ ക​രു​ത്തു നേ​ടാ​മെ​ന്ന്​ കോ​ൺ​ഗ്ര​സ്​ ക​ണ​ക്കു​കൂ​ട്ടു​ന്നു. തു​ട​ർ​ഭ​ര​ണ​ത്തി​നു​വേ​ണ്ടി കോ​ൺ​ഗ്ര​സും പ​തി​വു​പോ​ലെ ഭ​ര​ണ​മാ​റ്റം ഉ​ണ്ടാ​കു​മെ​ന്ന പ്ര​തീ​ക്ഷ​യി​ൽ ബി.​ജെ.​പി​യും നി​ൽ​ക്കു​ന്ന രാ​ജ​സ്ഥാ​നി​ൽ ഇ​​ഞ്ചോ​ടി​ഞ്ച്​ പോ​രാ​ട്ട​മാ​ണ്​ ന​ട​ന്ന​ത്.

തെ​ല​ങ്കാ​ന​യി​ൽ ന​ഷ്ട​പ്ര​താ​പം വീ​ണ്ടെ​ടു​ത്ത്​ അ​ധി​കാ​രം പി​ടി​ക്കാ​മെ​ന്ന കോ​ൺ​ഗ്ര​സ്​ പ്ര​തീ​ക്ഷ​ക​ൾ​ക്കി​ട​യി​ൽ, മൂ​ന്നാ​മൂ​ഴ​ത്തി​ന്​ ശ്ര​മി​ക്കു​ന്ന ബി.​ആ​ർ.​എ​സി​ന് വെ​ല്ലു​വി​ളി​ക​ൾ പ​ല​താ​ണ്. ഛത്തി​സ്​​ഗ​ഢി​ൽ മെ​ച്ച​പ്പെ​ട്ട പ്ര​വ​ർ​ത്ത​നം വ​ഴി ഭ​ര​ണ​ത്തു​ട​ർ​ച്ച നേ​ടാ​മെ​ന്നാ​ണ്​ കോ​ൺ​ഗ്ര​സ്​ പ്ര​തീ​ക്ഷ.