രാഹുൽ യാത്രചെയ്​ത വിമാനത്തിന്​ തകരാർ; കോൺഗ്രസ്​ അന്വേഷണം ആവശ്യപ്പെട്ടു

ബംഗളൂരു: കോൺഗ്രസ്​ അധ്യക്ഷൻ രാഹുൽ ഗാന്ധി യാത്ര ചെയ്​ത വിമാനത്തിന്​ സാ​േങ്കതിക തകരാർ ഉണ്ടായതിൽ ദുരൂഹത ആരോപിച്ച്​ കോൺഗ്രസ്​ അന്വേഷണം ആവശ്യപ്പെട്ടു. ന്യൂഡൽഹിയിൽ നിന്ന്​ കർണാടകയിലേക്ക്​ പുറപ്പെട്ട വിമാനം​  ഉത്തര കർണാടകയിലെ ഹുബ്ബള്ളി വിമാനത്താവളത്തിൽ  ഇറങ്ങുന്നതിന്​ ഏകദേശം 40 മിനിറ്റ്​ ​ മുമ്പാണ്​ തകരാറുണ്ടായത്​. സംഭവത്തെപ്പറ്റി അന്വേഷിക്കുമെന്ന്​ സിവിൽ വ്യോമയാന ഡയറക്​ടറേറ്റ്​ ജനറൽ (ഡി.ജി.സി.എ)വ്യക്​തമാക്കി.

അതേസമയം, പൊലീസും കേസെടുത്തിട്ടുണ്ട്​. പറന്നുകൊണ്ടിരുന്ന വിമാനം പെ​െട്ടന്ന്​  ഇടത്തേക്ക്​ ചാഞ്ഞതിനൊപ്പം അതിവേഗം താഴേക്ക്​ പോന്നതായും ശക്​തമായ കുലുക്കം അനുഭവപ്പെട്ടതായും വിമാനത്തിലുണ്ടായിരുന്ന രാഹുലി​​​െൻറ സഹായി കൗശൽ വിദ്യാർഥി കർണാടക ഡി.ജി.പി നീലമണി എൻ. രാജുവിന്​ നൽകിയ പരാതിയിൽ പറഞ്ഞു. വ്യാഴാഴ്​ച രാവിലെ 10.45നായിരുന്നു സംഭവം. സ്വാഭാവികമായോ കാലാവസ്​ഥയുമായി ബന്ധപ്പെ​േട്ടാ അല്ല ഇങ്ങനെ സംഭവിച്ചതെന്നും സംശയകരമായ സാ​േങ്കതിക തകരാണ്​ ഇതിന്​ കാരണമെന്നും പരാതിയിൽ ചൂണ്ടിക്കാട്ടി.

ബോധപൂർവം എന്തോ ചെയ്​തിരിക്കാനുള്ള സാധ്യത തള്ളിക്കളയാനാകില്ലെന്നും അതേപ്പറ്റി അന്വേഷിക്കണമെന്നുമാണ്​ പരാതിയിലെ ആവശ്യം. അതേസമയം, കെ.പി.സി.സി ജനറൽ സെക്രട്ടറി ഷക്കീർ സനദി നൽകിയ പരാതി ലഭിച്ചതായി ഹുബ്ബള്ളി-ധാർവാഡ്​ പൊലീസ്​ ഡി.സി.പി രേണുക സുകുമാറും അറിയിച്ചു. മൂന്നാമത്തെ ശ്രമത്തിൽ പകൽ 11.25നാണ്​ വിമാനം ഹുബ്ബള്ളിയിൽ ഇറങ്ങിയതെന്ന്​ പൊലീസിന്​ നൽകിയ പരാതിയിൽ പറയുന്നു.

യാത്രയിൽ അസ്വാഭാവികമായ പലതും സംഭവിച്ചതായി ​വിമാന ജീവനക്കാരും പറഞ്ഞതായി പരാതിയിൽ ചൂണ്ടിക്കാട്ടി. പൈലറ്റി​​​െൻറ നിയന്ത്രണത്തിൽനിന്ന്​ ഒാ​േട്ടാപൈലറ്റ്​ (സ്വയം പറക്കൽ)സംവിധാനത്തിലേക്ക്​ മാറ്റിയപ്പോഴാണ്​ വിമാനത്തിന്​ കുലുക്കവും മറ്റും ഉണ്ടായതെന്നും ഉടൻ പൈലറ്റി​​​െൻറ​ നിയന്ത്രണത്തിലേക്ക്​ മാറ്റിയതോടെ അത്​ ഇല്ലാതായെന്നുമാണ്​ തങ്ങൾക്ക്​ ലഭിച്ച റിപ്പോർ​െട്ടന്ന്​ ഡി.ജി.സി.എ അറിയിച്ചു.