ഹിമാചൽ പ്രദേശിലെ കോൺഗ്രസിൻ്റെ എല്ലാ യൂണിറ്റുകളും പിരിച്ചുവിട്ടു

ഷിംല: ഹിമാചൽ പ്രദേശിൽ കോൺ​ഗ്രസിന്റെ സംസ്ഥാന കമ്മിറ്റി ഉൾപ്പെടെ എല്ലാ കമ്മിറ്റികളും പിരിച്ചുവിട്ടു. കോൺ​ഗ്രസ് അധ്യക്ഷൻ മല്ലികാർജുൻ ഖാർ​ഗേയുടെ അനുമതിയെ തുടർന്നാണ് എല്ലാ കമ്മറ്റികളും പിരിച്ചുവിട്ടത്. ജില്ലാ പ്രസിഡന്റുമാരെയും ബ്ലോക്ക് കോൺ​ഗ്രസ് കമ്മിറ്റികളും പിരിച്ചുവിട്ടിട്ടുണ്ട്.

ഹിമാചലിലെ കോൺ​ഗ്രസ് കമ്മിറ്റി പിരിച്ചുവിട്ടതിനെക്കുറിച്ച് വിശദീകരിക്കുന്ന എ.ഐ.സി.സിയുടെ കത്ത് പുറത്തുവന്നിട്ടുണ്ട്. കെ.സി വേണു​ഗോപാലിന്റെ പേരിലാണ് കത്ത്. പി.സി.സിയുടെ മുഴുവൻ സംസ്ഥാനഘടകവും ഹിമാചൽ പ്രദേശ് കോൺഗ്രസ് കമ്മിറ്റിയുടെ ജില്ലാ പ്രസിഡൻ്റുമാരേയും ബ്ലോക്ക് കോൺഗ്രസ് കമ്മിറ്റികളും പിരിച്ചുവിടാനുള്ള നിർദ്ദേശത്തിന് ബഹുമാനപ്പെട്ട കോൺഗ്രസ് അധ്യക്ഷൻ അംഗീകാരം നൽകിയെന്ന് കത്തിൽ പറയുന്നു.