എട്ടു എം.എൽ.എമാരെ കോൺഗ്രസ്​ പുറത്താക്കി

ഗാന്ധിനഗർ: രാജ്യസഭ തെരഞ്ഞെടുപ്പിലെ കാലുമാറ്റത്തെ തുടർന്ന്​ ഗുജറാത്തിൽ എട്ട്​ എം.എൽ.എമാരെ കോൺ​ഗ്രസ്​ പുറത്താക്കി. വിപ്പ്​ ലംഘിച്ചതിനാണ്​ നടപടി. ഇതിനുപുറമെ ആറുപേരെക്കൂടി പുറത്താക്കാൻ നീക്കം തുടങ്ങിയിട്ടുണ്ട്​. എല്ലാവരും രാജ്യസഭ തെരഞ്ഞെടുപ്പിന്​ തൊട്ടുമുമ്പ്​ ബി.ജെ.പിയുമായി കൂട്ടുചേർന്ന വിമത നേതാവ്​ ശങ്കർസിങ്​ വഗേലയുടെ അനുയായികളാണ്​.

രാജ്യം ഉറ്റുനോക്കിയ തെര​ഞ്ഞെടുപ്പിൽ അഹ്​മദ്​ പ​േട്ടൽ നിർണായകവിജയം നേടിയതിന്​ പിന്നാലെയാണ്​ വിപ്പുലംഘിച്ച്​ ബി.ജെ.പിക്കൊപ്പം ചേർന്ന്​ വോട്ടുചെയ്​ത എം.എൽ.എമാർക്കെതിരെ പാർട്ടി നടപടിയുണ്ടായത്​.