കോൺഗ്രസ് അർധ അബോധാവസ്ഥയിലാണെന്ന് ഭഗവന്ത് മാൻ, എം‌എൽ‌എമാരെ എതിരാളികൾക്ക് വിൽക്കുക​യാണ്...

ഗു​ജറാത്തിലെ വൻ തോൽവിക്ക് എഎപിയെ കുറ്റപ്പെടുത്തുന്നതിൽ അർത്ഥമില്ലെന്നും കോൺഗ്രസ് അർധ അബോധാവസ്ഥ(കോമ)യിലാണെന്നും ആംആദ്മി പാർട്ടി നേതാവും പഞ്ചാബ് മുഖ്യമ​ന്ത്രിയുമായ ഭഗവന്ത് മാൻ. രാഷ്ട്രീയത്തിലെ ടൈമിംഗ് ശരിയാക്കാനെങ്കിലും രാഹുൽ പഠിക്കണമെന്നും അദ്ദേഹം പരിഹസിച്ചു.

തെരഞ്ഞെടുപ്പ് വേളയിൽ ഒരിക്കൽ മാത്രമാണ് രാഹുൽ ഗാന്ധി ഗുജറാത്ത് സന്ദർശിച്ചത്. ഒരു സന്ദർശനം കൊണ്ട് തെരഞ്ഞെടുപ്പിൽ വിജയിക്കണമെന്ന് രാഹുൽ ആഗ്രഹിച്ചു. മാറ്റത്തിനു(ചേഞ്ചിനു) വേണ്ടിയല്ല, കൈമാറ്റ (എക്​ചേഞ്ച്)ത്തിനുവേണ്ടിയാണ് കോൺഗ്രസ് നിലകൊള്ളുന്നത്.

കോൺഗ്രസ് എംഎൽഎമാർ എതിരാളികളിലേക്ക് ചേക്കേറുകയാണ്. പാർട്ടി ദരിദ്രമായിത്തീർന്നിരിക്കുന്നു. എം‌എൽ‌എമാരെ എതിർ പാർട്ടികൾക്ക് സർക്കാർ രൂപവൽകരിക്കാൻ വിൽക്കുക​യാണെന്നും ഭഗവന്ത് മാൻ ആരോപിച്ചു. ഗുജറാത്തിലെ മോശം പ്രകടനത്തിൽ ആംആദ്മിക്ക് പങ്കുണ്ടെന്ന രാഹുൽ ഗാന്ധിയുടെ വിമർശനത്തിനു മറുപടിപറയുകയായിരുന്നു ഭഗവന്ത് മാൻ.