'പ്രജ്ഞാ സിങ്ങിനെ കാണാനില്ല'; കണ്ടെത്തുന്നവർക്ക്​ പതിനായിരം രൂപ സമ്മാനം പ്രഖ്യാപിച്ച്​ കോൺഗ്രസ്​

ഭോപാൽ: മധ്യപ്രദേശി​െൻറ തലസ്​ഥാനമായ ഭോപാലിൽനിന്നുള്ള ബി.ജെ.പി എം.പി പ്രജ്ഞാ സിങ്​​ താക്കൂറിനെ കാണാനില്ലത്രെ... കണ്ടെത്തുന്നവർക്ക്​ 10,000 രൂപയ​ുടെ ഇനാം പ്രഖ്യാപിച്ചിരിക്കുകയാണ്​ സംസ്​ഥാന കോ​ൺഗ്രസ്​ ജനറൽ സെക്രട്ടറിയും വക്​താവുമായ രവി സക്​സേന.

കോവിഡ്​ രണ്ടാം തരംഗത്തിൽ മരുന്നും ഒാക്​സിജന​ും ചികിത്സാസൗകര്യങ്ങളുമില്ലാതെ ഭോപാൽ നഗരവാസികൾ നെ​േട്ടാട്ടമോടുമ്പോൾ അവരുടെ എം.പി എവിടെയാണെന്ന്​ ആർക്കും അറിയില്ലെന്ന്​ സക്​സേന കുറ്റപ്പെടുത്തി. അവരെ ഏറ്റവും ആവശ്യമ​ുള്ള സമയമാണിത്​. കഴിഞ്ഞ വർഷം കോവിഡി​െൻറ ആദ്യ തരംഗസമയത്തും പ്രജ്​ഞാ സിങ്​ 'മിസിങ്​' ആയിരുന്നുവെന്നും സക്​സേന പറഞ്ഞു. വൻ ഭൂരിപക്ഷത്തോടെ ഭോപാലുകാർ തെരഞ്ഞെടുത്ത പ്രജ്​ഞാ സിങ്ങിനെ കണ്ടുകിട്ടുന്നവർക്ക്​ പതിനായിരം രൂപ ഇനാം നൽകുമെന്നാണ്​ സക്​സേനയുടെ വാഗ്​ദാനം.

അതേസമയം, കോൺഗ്രസി​െൻറ ആരോപണം അപക്വമാണെന്നും പ്രജ്​ഞാ സിങ്ങിനെ അസുഖം മൂർച്ഛിച്ചതിനെ തുടർന്ന്​ മുംബൈയിലേക്ക്​ വായുമാർഗം കൊണ്ടുപോയിരിക്കുകയാണെന്നും ബി.ജെ.പി വിശദീകരിച്ചു. 2008ലെ മാലേഗാവ്​ സ്​ഫോടന കേസിൽ പ്രതിയായി ജയിലിൽ കഴിഞ്ഞിരുന്ന പ്രജ്​ഞാ സിങ്​ ജാമ്യം നേടിയശേഷ​മാണ്​ ഭോപാലിൽ മത്സരിക്കാനിറങ്ങിയത്​. മധ്യപ്രദേശിൽ കോവിഡ്​ ബാധിതർ ഏറ്റവും കൂടുതലുള്ളത്​ ഭോപാലിലും ഇന്ദോറിലുമാണ്​.