പ്രോ​ടെം സ്പീ​ക്ക​ർ പാനലിൽ നിന്ന് ഇൻഡ്യ സഖ്യം പിന്മാറി; കോൺഗ്രസ് അംഗങ്ങൾ ലോക്സഭയിലെത്തുക ഭരണഘടനയുടെ പതിപ്പുമായി

ന്യൂ​ഡ​ൽ​ഹി: 18ാം ലോ​ക്സ​ഭ​യു​ടെ പ്ര​ഥ​മ സ​മ്മേ​ള​ന​ത്തിന് ഇന്ന് തുടക്കംകുറിക്കുമ്പോൾ കോൺഗ്രസ് അംഗങ്ങൾ എത്തുക ഭരണഘടനയുടെ ചെറു പതിപ്പുമായി. രാജ്യത്തിന്‍റെ ഭരണഘടനയെ ഉയർത്തി പിടിക്കുമെന്ന സന്ദേശം മോദി സർക്കാറിനെ അറിയിക്കുന്നതിന്‍റെ ഭാഗമായാണിത്. രാവിലെ 10 മണിക്ക് പാർലമെന്‍റ് വളപ്പിലെത്തുന്ന കോൺഗ്രസ് എം.പിമാർ ഒരുമിച്ചാകും സഭയിലേക്ക് നീങ്ങുക.

പു​തി​യ അം​ഗ​ങ്ങ​ളു​ടെ സ​ത്യ​പ്ര​തി​ജ്ഞ​യോ​ടെയാണ് സ​മ്മേ​ള​നം ഇന്ന് ആരംഭിക്കുന്നത്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി, കാ​ബി​ന​റ്റ് മ​ന്ത്രി​മാ​ർ, മ​റ്റു കേ​ന്ദ്ര​മ​ന്ത്രി​മാ​ർ എ​ന്നി​വ​രു​ടെ സ​ത്യ​പ്ര​തി​ജ്ഞ ക​ഴി​ഞ്ഞ് അ​ക്ഷ​ര​മാ​ലാ ക്ര​മ​ത്തി​ൽ വി​വി​ധ സം​സ്ഥാ​ന​ങ്ങ​ളി​ൽ​ നി​ന്നു​ള്ള പു​തി​യ അം​ഗ​ങ്ങ​ളു​ടെ സ​ത്യ​പ്ര​തി​ജ്ഞ ന​ട​ക്കുക.

കേരളത്തിൽ നിന്നുള്ള 18 എം.പിമാർ ഇന്ന് വൈകിട്ട് നാലു മണിയോടെ സത്യപ്രതിജ്ഞ ചെയ്യുക. വിദേശയാത്രയിൽ ആയതിനാൽ ശശി തരൂർ ഇന്ന് സത്യപ്രതിജ്ഞ ചെയ്യില്ല.

അതേസമയം, പ്രോ​ടെം സ്പീ​ക്ക​ർ നി​യ​മ​ന​ത്തി​ൽ എ​ട്ടു​ ത​വ​ണ ലോ​ക്സ​ഭ എം.​പി​യാ​യ കേ​ര​ള​ത്തി​ൽ​ നി​ന്നു​ള്ള കോ​ൺ​ഗ്ര​സി​ന്റെ ദ​ലി​ത് മു​ഖം കൊ​ടി​ക്കു​ന്നി​ൽ സു​രേ​ഷി​നെ അവഗണിച്ചതിൽ കടുത്ത പ്രതിഷേധം അറിയിക്കാനാണ് ഇൻഡ്യ സഖ്യ തീരുമാനം. ഇതിന്‍റെ ഭാഗമായി പ്രോ​ടെം സ്പീ​ക്ക​ർ പാനലിൽ നിന്ന് ഇൻഡ്യ സഖ്യത്തിലെ അംഗങ്ങൾ പിന്മാറി.

കൊ​ടി​ക്കു​ന്നി​ൽ സു​രേ​ഷി​നെ മറികടന്ന് ഏ​ഴു ​ത​വ​ണ മാത്രം എം.​പി​യാ​യ ഒ​ഡി​ഷ​യി​ൽ ​നി​ന്നു​ള്ള ബി.​ജെ.​പി നേ​താ​വ് ഭ​ർ​തൃ​ഹ​രി മെ​ഹ്താ​ബി​നെയാണ് പ്രോ​ടെം സ്പീ​ക്ക​ർ ആ​ക്കി​യ​ത്. ര​ണ്ടു ​ദി​വ​സം നീ​ളു​ന്ന സ​ത്യ​പ്ര​തി​ജ്ഞ​ക്ക് മെ​ഹ്താ​ബി​നെ സ​ഹാ​യി​ക്കാ​ൻ സ​ർ​ക്കാ​ർ ഏ​ൽ​പി​ച്ച ദൗ​ത്യം കൊ​ടി​ക്കു​ന്നി​ൽ സു​രേ​ഷ് അ​ട​ക്കം മൂ​ന്ന് പ്ര​തി​പ​ക്ഷ എം.​പി​മാ​ർ ഏ​റ്റെ​ടു​ക്കേ​ണ്ട​തി​ല്ലെ​ന്ന് ഇൻഡ്യ സ​ഖ്യം തീ​രു​മാ​നി​ച്ചി​ട്ടു​ണ്ട്. ഡി.​എം.​കെ​യു​ടെ ടി.​ആ​ർ. ബാ​ലു, തൃ​ണ​മൂ​ൽ കോ​ൺ​ഗ്ര​സി​ന്റെ സു​ദീ​പ് ബ​ന്ദോ​പോ​ധ്യാ​യ എ​ന്നി​വ​രാ​ണ് പ്ര​തി​പ​ക്ഷ​ത്തു​നി​ന്ന് നി​യോ​ഗി​ക്ക​പ്പെ​ട്ട മ​റ്റു ര​ണ്ടു​പേ​ർ.

ലോ​ക്സ​ഭ സ്പീ​ക്ക​റെ തെ​ര​ഞ്ഞെ​ടു​ക്കു​ന്ന​തു​വ​രെ സ്പീ​ക്ക​റു​ടെ ചെ​യ​റി​ലി​രു​ന്ന് പു​തി​യ അം​ഗ​ങ്ങ​ളു​ടെ സ​ത്യ​പ്ര​തി​ജ്ഞ​ക്ക് കാ​ർ​മി​ക​ത്വം വ​ഹി​ക്കു​ക​യാ​ണ് പ്രോ​​ടെം സ്പീ​ക്ക​റു​ടെ ഉ​ത്ത​ര​വാ​ദി​ത്തം. പാ​ർ​ല​മെ​ന്റ് മ​ന്ദി​രോ​ദ്ഘാ​ട​ന​ത്തി​നും രാ​മ​ക്ഷേ​ത്ര പ്രാ​ണ​പ്ര​തി​ഷ്ഠ​ക്കും രാ​ഷ്ട്ര​പ​തി ദ്രൗ​പ​ദി മു​ർ​മു​വി​നെ ക്ഷ​ണി​ക്കാ​തി​രു​ന്ന​തു ​പോ​ലെ ദ​ലി​ത​നാ​യ പ്രോ​ടേം സ്പീ​ക്ക​ർ​ക്ക് മു​ന്നി​ൽ ഉ​ന്ന​ത ജാ​തി​ക്കാ​രാ​യ എം.​പി​മാ​ർ സ​ത്യ​പ്ര​തി​ജ്ഞ ചെ​യ്യാ​ൻ ബി.​ജെ.​പി ആ​ഗ്ര​ഹി​ക്കാ​ത്ത​തു കൊ​ണ്ടാ​ണ് കൊ​ടി​ക്കു​ന്നി​ലി​നെ അ​വ​ഗ​ണി​ച്ച​തെ​ന്ന വാ​ദ​ത്തി​ൽ ഇ​ൻ​ഡ്യ സ​ഖ്യം ഉ​റ​ച്ചു​നി​ൽ​ക്കു​ക​യാ​ണ്.

ഭർതൃഹരി മെഹ്താബിനെ പോലെ ഏഴ് തവണ തുടർച്ചയായി എം.പിയായ ബി.ജെ.പി നേതാവ് രമേശ് ചിൻഡപ്പ ജിഗജിനാഗി ഉണ്ടായിട്ടും അദ്ദേഹത്തെ പ്രോട്ടേം സ്പീക്കറാക്കാതിരുന്നത് കൊടിക്കുന്നിൽ സുരേഷിനെ പോലെ ദലിത് നേതാവ് ആയത് കൊണ്ടാണോ എന്ന് ജയറാം രമേശ് ചോദിച്ചു.