കോൺഗ്രസ്​ മാനസിക വളർച്ച മുരടിച്ച പാർട്ടി​ -ഖുശ്​ബു

ചെന്നൈ: കോൺഗ്രസ്​ മാനസിക വളർച്ച മുരടിച്ച പാർട്ടിയാണെന്ന്​ പാർട്ടി വിട്ട്​ ബി.ജെ.പിയിൽ ചേർന്ന നടി ഖുശ്​ബു സുന്ദർ. ബി.ജെ.പി പ്രവേശനത്തിന്​ ശേഷം ​ചെന്നൈയിൽ തിരിച്ചെത്തിയ ശേഷം പ്രതികരിക്കുകയായിരുനനു അവർ.

''ഞാൻ കോൺഗ്രസിൽ ആറ്​ വർഷക്കാലം ഉണ്ടായിരുന്നു. ഞാൻ പാർട്ടിക്ക്​ വേണ്ടി കഠിനാധ്വാനം ചെയ്​തു. ഞാൻ മാനസിക വളർച്ച മുരടിച്ച പാർട്ടിയാണ്​ വിട്ടതെന്ന്​ പാർട്ടി വിട്ട ശേഷം എനിക്ക്​ മനസിലായി.'' -ഖുശ്​ബു പറഞ്ഞതായി ഇന്ത്യ റ്റുഡെ റിപ്പോർട്ട്​ ചെയ്​തു.

ഖുശ്​ബു പാർട്ടി വിട്ടപ്പോൾ തമിഴ്​നാട്​ കോൺഗ്രസ്​ അധ്യക്ഷൻ കെ.എസ്​. അളഗിരി നടത്തിയ പ്രസ്​താവനയോട്​ പ്രതികരിക്കുകയായിരുന്നു അവർ. ഖുശ്​ബു കോൺഗ്രസി​െൻറ നയപരിപാടികളോട്​ യോജിച്ച്​ പ്രവർത്തിച്ചിരുന്നില്ലെന്നും അവർ പോയതിൽ​ പാർട്ടിക്ക് ഒരു നഷ്​ടവുമില്ലെന്നുമായിരുന്നു അളഗിരി പറഞ്ഞത്​. ബി.ജെ.പിയിൽനിന്ന്​ ആരും ഖുശ്​ബുവിനെ വിളിച്ചിട്ടില്ലെന്നും അവർ സ്വന്തം ഇഷ്​ടപ്രകാരമാണ്​ അങ്ങോട്ട്​ പോയതെന്നും അദ്ദേഹം പറഞ്ഞിരുന്നു. ​