'പെണ്ണായിപ്പോയി, അല്ലെങ്കിൽ കോളറിൽ പിടിച്ച്...​'; ഭീഷണിപ്പെടുത്തി കോൺഗ്രസ്​ എം.എൽ.എ

ഭോപാൽ: മധ്യപ്രദേശിൽ ഉദ്യോഗസ്​ഥയെ ഭീഷണിപ്പെടുത്തി കോൺഗ്രസ്​ എം.എൽ.എ. സബ്​ ഡിവിഷനൽ മജിസ്​ട്രേറ്റ്​ കാമിനി താക്കുറിനെ എം.എൽ.എ ഹർഷ വിജയ്​ ഗെഹ്​ലോട്ട്​ ജനമധ്യത്തിൽ ഭീഷണിപ്പെടുത്ത​ുന്ന വിഡിയോ വ്യാപകമായി സമൂഹ മാധ്യമങ്ങളിൽ പ്രചരിച്ചു.

'നിങ്ങളൊരു ​െപണ്ണായി​േപ്പായി. ആണായിരുന്നെങ്കിൽ കോളറിൽ പിടിച്ച്​ മെമോ നൽകുമായിരുന്നു' -വിഡിയോയിൽ ഗെഹ്​ലോട്ട്​ പറയുന്നത്​ കേൾക്കാം.

മധ്യപ്രദേശ്​ രാജസ്​ഥാൻ അതിർത്തിയായ രത്​ലം ജില്ലയിലെ സായ്​ലാന നഗരത്തിൽ ഞായറാഴ്ചയാണ്​ സംഭവം. ഡൽഹി അതിർത്തിയിൽ കേന്ദ്രസർക്കാറിന്‍റെ കാർഷിക നിയമങ്ങൾക്കെതിര പ്രതിഷേധിക്കുന്ന കർഷകർക്ക്​ ഐക്യദാർഢ്യം പ്രഖ്യാപിച്ച്​​ കോൺഗ്രസിന്‍റെ നേതൃത്വത്തിൽ ട്രാക്​ടർ റാലി നടത്തിയിരുന്നു. ശേഷം പ്രവർത്തകരെ നയിച്ചിരുന്ന എം.എൽ.എ മൊ​മോറാണ്ടം നൽകുന്നതിനായി കാമിനി താക്കുറിന്‍റെ ഓഫിസിലെത്തുകയായിരുന്നു. കാമിനി താക്കൂർ പുറത്തുവരാൻ വൈകി​യതോടെയായിരുന്നു എം.എൽ.എയുടെ ഭീഷണി. ഭീഷണിപ്പെടുത്തുന്നതിന്‍റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ പ്രതിഷേധം ശക്തമായി.

സ്​ത്രീകൾക്കെതിരായ അതിക്രമങ്ങൾ തടയുന്നതിനായി മുഖ്യമന്ത്രി ശിവരാജ്​ സിങ്​ ചൗഹാന്‍റെ നേതൃത്വത്തിൽ രണ്ടാഴ​്​ച നീണ്ടുനിൽക്കുന്ന കാമ്പയിൻ സംഘടിപ്പിക്കുന്നതിനിടെയാണ്​ സംഭവം.

മധ്യപ്ര​േദശിൽ വനിതകൾക്കെതിരായ കോൺഗ്രസ്​ നേതാക്കളുടെ പ്രസ്​താവനകളിൽ വിവാദങ്ങൾ ഉയരുന്നതിനിടെയാണ്​ സമാന സംഭവം. ​15ാം വയസിൽ പെൺകുട്ടികൾക്ക്​ പ്രസവിക്കാൻ കഴിയും പിന്നെ എന്തുകൊണ്ട്​ പെൺകുട്ടികളുടെ വിവാഹപ്രായം 18ൽനിന്ന്​ 21ലേക്ക്​ ഉയർ​ത്തണമെന്ന മുൻ മന്ത്രി സജ്ജൻ സിങ്​ വർമയുടെ പ്രസ്​താവന ഏറെ വിമർശനം ഏറ്റുവാങ്ങിയിരുന്നു.