കോണ്‍ഗ്രസ് എം.പി വസന്ത് ചവാന്‍ അന്തരിച്ചു

മുംബൈ: മഹാരാഷ്ടയിൽ നിന്നുള്ള കോൺഗ്രസ് എം.പി വസന്ത് ചവാൻ(69) അന്തരിച്ചു. വൃക്ക സംബന്ധമായ അസുഖത്തെ തുടർന്ന് കഴിഞ്ഞ ആഴ്ച മുതൽ ഹൈദരാബാദിലെ സ്വകാര്യ ആശുപത്രിയിൽ ചികിത്സയിലായിരുന്നു.

ദീർഘനാളായി അസുഖ ബാധിതനായിരുന്നു. പുലർച്ചെ 4 മണിയോടെയായിരുന്നു മരണം. അന്ത്യകർമ്മങ്ങൾ നൈഗാവിൽ രാവിലെ 11 മണിക്ക് നടത്തുമെന്ന് വൃത്തങ്ങൾ അറിയിച്ചു.

അനാരോഗ്യത്തെയും കൂടെയുള്ളവരുടെ കൂറുമാറ്റത്തെയും പിൻതള്ളിയാണ് അദ്ദേഹം നന്ദേഡ് ലോക്‌സഭാ സീറ്റിൽ വിജയിച്ചത്. സിറ്റിങ് എം.പിയായിരുന്ന പ്രതാപ് ചിഖലികറിനെയാണ് വസന്തറാവു പരാജയപ്പെടുത്തിയത്. 5,28,894 വോട്ടുകൾ നേടിയാണ് വിജയിച്ചത്.