മമതക്കോ മായാവതിക്കോ പ്രധാനമന്ത്രിയാകാം; വിട്ടുവീഴ്​ചക്ക്​ തയാറായി കോൺഗ്രസ്​

ന്യൂഡൽഹി: പ്രധാനമന്ത്രി പദത്തിൽ വിട്ടുവീഴ്​ചക്ക്​ തയാറായി കോൺഗ്രസ്​. പ്രതിപക്ഷം സഖ്യമായി നിൽക്കുകയാണെങ്കിൽ ത്രിണമൂൽ കോൺഗ്രസ്​ അധ്യക്ഷ മമതാ ബാനർജിക്കോ ബി.എസ്​.പി അധ്യക്ഷ മായാവതിക്കോ പ്രധാനമന്ത്രി പദം നൽകുന്നതിൽ തടസമില്ലെന്ന്​​ കോൺഗ്രസ്​  അറിയിച്ചതായാണ്​ സൂചന. ബി.ജെ.പിയിൽ നി​ന്നൊഴികെ മറ്റ്​ ഏതു പാർട്ടിയിൽ നിന്നും പ്രധാനമന്ത്രി വരുന്നതിൽ വിരോധമില്ലെന്ന്​ കോൺഗ്രസ്​ വ്യക്തമാക്കി. 

കോൺഗ്രസി​​​െൻറ പ്രധാനമന്ത്രി സ്ഥാനാർഥിക്ക്​ പുറമെ  ബി.ജെ.പി വിരുദ്ധ പാർട്ടികളിൽ നിന്നും പ്രധാനമന്ത്രി സ്ഥാനർഥികളെ പരിഗണിക്കും. സംഘപരിവാർ വിരുദ്ധ പാർട്ടികൾ എന്ന നിലയിൽ ബംഗാൾ മുഖ്യമന്ത്രി മമതയെയും ബി.എസ്​.പി നേതാവ്​ മായാവതിയേയും പിന്തുണക്കുമെന്നാണ്​ കോൺഗ്രസി​​​െൻറ നിലപാട്​. 

അടുത്ത തെരഞ്ഞെടുപ്പിൽ ബി.ജെ.പിയെ താഴെയിറക്കാൻ വിശാല സഖ്യ ശ്രമത്തിലാണ്​ കോൺഗ്രസ്​. കഴിഞ്ഞ ആറുമാസമായി സഖ്യ ചർച്ചകളുമായി കോൺഗ്രസ്​ മുന്നോട്ട​ുപോവുകയാണ്​. ബി.ജെ.പിയെ പരാജയപ്പെടുത്തുക എന്നതാണ്​ കോൺഗ്രസ്​ ലക്ഷ്യമിടുന്നത്​.