പാർട്ടിയുടെ ഔദ്യോഗിക അക്കൗണ്ടിനും ട്വിറ്റർ പൂട്ടിട്ടതായി​ കോൺഗ്രസ്

ന്യൂഡൽഹി: സമൂഹമാധ്യമമായ ട്വിറ്റർ പാർട്ടിയുടെ ഒൗദ്യോഗിക ട്വിറ്റർ അക്കൗണ്ടും പൂട്ടിയതായി കോൺ​ഗ്രസ്​. മ​െറ്റാരു സമൂഹമാധ്യമമായ ഫേസ്​ബുക്കിലൂടെയാണ്​ പാർട്ടി ഇക്കാര്യം വ്യക്തമാക്കിയത്​.

സമൂഹമാധ്യമ മാനദണ്ഡങ്ങൾ ലംഘിച്ചുവെന്ന്​ ആരോപിച്ചാണ്​ ട്വിറ്റർ അക്കൗണ്ട്​ പൂട്ടിയത്​. ഔദ്യോഗിക ട്വിറ്റർ അക്കൗണ്ട്​ പൂട്ടിയതായ സന്ദേശത്തിന്‍റെ സ്​ക്രീൻഷോട്ട്​ സഹിതമാണ്​ ഫേസ്​ബുക്കിൽ പോസ്റ്റ്​ ചെയ്​തത്​. ഈ അക്കൗണ്ട്​ ട്വിറ്റർ നിയമങ്ങൾ ലംഘിച്ചുവെന്നാണ്​ സ്ക്രീൻ ഷോട്ടിലെ സന്ദേശം.

കോൺഗ്രസ്​ നേതാവ്​ രാഹുൽ ഗാന്ധിയുടെ ട്വിറ്റർ അക്കൗണ്ട്​ നേരത്തേ​ മരവിപ്പിച്ചിരുന്നു. ഇതിനുപുറമെ മുതിർന്ന അഞ്ചു കോൺഗ്രസ്​ നേതാക്കളുടെയും ട്വിറ്റർ ഹാൻഡിലുക​ൾക്കെതിരെ സമാന നടപടി സ്വീകരിച്ചതായി കോൺഗ്രസ് അവകാശപ്പെട്ടിരുന്നു​.

രൺദീപ്​ സു​ർജേവാല, എ.ഐ.സി.സി ജനറൽ ​െ​സക്രട്ടറിയും മുൻ മന്ത്രിയുമായ അജയ്​ മാക്കൻ, ലോക്​സഭ വിപ്പ്​ മാണിക്കം ടാഗോർ, അസം നേതാവും മുൻ കേന്ദ്രമന്ത്രിയുമായ ജിതേന്ദ്ര സിങ്​, മഹിള കോൺഗ്രസ്​ പ്രസിഡന്‍റ്​ സുഷ്​മിത ദേവ്​ എന്നിവരുടെ ട്വിറ്റർ അക്കൗണ്ടുകളാണ്​ പൂട്ടിയതെന്നാണ്​ ആരോപണം. ​

ഡൽഹിയിൽ ബലാത്സംഗത്തിന്​ ഇരയായി കൊല്ലപ്പെട്ട ബാലികയുടെ കുടുംബത്തിനൊപ്പം നിൽക്കുന്ന ചിത്രം പോസ്റ്റ്​ ചെയ്​തതിനാണ്​ രാഹുലിന്‍റെ ട്വിറ്റർ അക്കൗണ്ട്​ പൂട്ടിയത്​. ട്വീറ്റ്​ നീക്കം ചെയ്​തതായും ട്വിറ്റർ ഡൽഹി കോടതിയെ അറിയിച്ചിരുന്നു. നേരത്തേ പെൺകുട്ടിയുടെ കുടുംബത്തിനൊപ്പമുള്ള ചിത്രം പങ്കുവെച്ചതിന്​ രാഹുൽ ഗാന്ധിക്കെതിരെ കേസെടുത്തിരുന്നു.