ലഖിംപൂർ ഖേരിയിൽ കർഷകർക്ക്​ ഇടയിലേക്ക്​ വാഹനം പാഞ്ഞുകയറുന്ന വിഡിയോ പങ്കുവെച്ച്​ കോൺഗ്രസ്​

ന്യൂഡൽഹി: ഉത്തർപ്രദേശിലെ ലഖിംപൂർ ഖേരിയിൽ കർഷകർക്ക്​ മേൽ മന്ത്രിയുടെ വാഹനവ്യൂഹം പാഞ്ഞുകയറുന്ന വിഡിയോ പങ്കുവെച്ച്​ കോൺഗ്രസ്​. കോൺഗ്രസിന്‍റെ ഔദ്യോഗിക ട്വിറ്റർ പേജിലാണ്​ ലഖിംപൂർ ഖേരിയുടേതെന്ന പേരിൽ വിഡിയോ പങ്കുവെച്ചിരിക്കുന്നത്​.

'മോദി സർക്കാറിന്‍റെ മൗനം അവരെ പങ്കാളികളാക്കുന്നുണ്ടോ​?' എന്ന അടിക്കുറിപ്പിനൊപ്പമാണ്​ വിഡിയോ​. പ്രതിഷേധവുമായി നടന്നുപോകുന്ന കർഷകർക്ക്​ ഇടയിലേക്ക്​ ജീപ്പ്​ പാഞ്ഞുകയറുന്നതാണ്​ ദൃശ്യങ്ങൾ. വെള്ള കുർത്തയും പച്ച തലപ്പാവും ധരിച്ച ഒരു കർഷകൻ വാഹനത്തിന്‍റെ ബോണറ്റിൽ കുടുങ്ങി കിടക്കുന്നതും മറ്റുള്ളവർ പ്രാണരക്ഷാർഥം ഓടിമാറുന്നതും വിഡിയോയിൽ കാണാം.

പരി​േക്കറ്റ്​ കിടക്കുന്ന അരഡസനോളം പേരെ ഗൗനിക്കാതെ ജീപ്പ്​ മുന്നോട്ടുപോകുന്നതും അതിന്​ പിറകിലായി ഒരു കറുത്ത എസ്​.യു.വി കടന്നുപോകുന്നതും വിഡിയോയിലുണ്ട്​. അതേസമയം കോൺഗ്രസിന്‍റെ ഔദ്യോഗിക ട്വിറ്റർ പേജിൽ പങ്കുവെച്ചിരിക്കുന്ന വിഡിയോയുടെ ആധികാരികത വ്യക്തമല്ല.

നാലുകർഷകർ ഉൾപ്പെടെ ഒമ്പതുപേരാണ്​ ലഖിംപൂർ ഖേരി സംഘർഷത്തിൽ കൊല്ലപ്പെട്ടത്​. ഇതിൽ ഒരു പ്രാദേശിക മാധ്യമപ്രവർത്തകനും ഉൾപ്പെടും. കേന്ദ്രമന്ത്രി അജയ്​ മിശ്രയുടെ വാഹനവ്യൂഹമാണ്​ അപകടമുണ്ടാക്കിയത്​. അജയ്​ മിശ്രയുടെ മകൻ ആശിഷ്​ മിശ്രയാണ്​ വാഹനം ഒാടിച്ചിരുന്നതെന്ന്​ പറയുന്നു. ആശിഷ്​ മിശ്ര ഉൾപ്പെടെ 13​േപ​ർക്കെതിരെ യു.പി ​െപാലീസ്​ കേസെടുത്തിരുന്നു. കൊലപാതകം, കലാപം എന്നി​വക്കെതിരെയാണ്​ കേസ്​. സംഭവത്തിൽ ജുഡീഷ്യൽ അന്വേഷണവും പ്രഖ്യാപിച്ചു.