ലോ​ക്സ​ഭാ തെ​ര​ഞ്ഞെ​ടു​പ്പ്: വോട്ടുകണക്കിലെ വ്യത്യാസത്തിൽ വ്യക്തത തേടി കോൺഗ്രസ്

ന്യൂ​ഡ​ൽ​ഹി: 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ ആ​ദ്യ​വും അ​വ​സാ​ന​വും പു​റ​ത്തു​വി​ട്ട ​വോ​ട്ടു​ക​ണ​ക്കു​ക​ളി​ൽ ഉ​ണ്ടാ​യ വ്യ​ത്യാ​സ​ത്തി​ൽ വ്യ​ക്ത​ത വ​രു​ത്ത​ണ​മെ​ന്ന് കോ​ൺ​ഗ്ര​സ് കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​നോ​ട് ആ​വ​ശ്യ​പ്പെ​ട്ടു. ആ​ദ്യം ക​മീ​ഷ​ൻ ന​ൽ​കി​യ ക​ണ​ക്കി​നേ​ക്കാ​ൾ അ​വ​സാ​ന ക​ണ​ക്കി​ൽ ഗ​ണ്യ​മാ​യ വോ​ട്ടു​വ​ർ​ധ​ന​വു​ണ്ടാ​യ 79 സീ​റ്റു​ക​ൾ ബി.​ജെ.​പി നേ​ടി​യ​ത് വോ​ട്ടു​ക​ണ​ക്കി​ൽ കൃ​ത്രി​മം കാ​ണി​ച്ചാ​ണെ​ന്ന് ആ​രോ​പി​ച്ചാ​ണ് ​കോ​ൺ​ഗ്ര​സി​ന്റെ ഈ ​നീ​ക്കം.

ക​മീ​ഷ​ൻ ആ​ദ്യ​വും അ​വ​സാ​ന​വും പ​റ​ഞ്ഞ മൊ​ത്തം വോ​ട്ടു​ക​ണ​ക്കി​ൽ അ​ഞ്ചു​കോ​ടി വോ​ട്ടു​ക​ളു​ടെ (ശ​രാ​ശ​രി 4.7 ശ​ത​മാ​നം) വ്യ​ത്യാ​സ​മു​ണ്ടെ​ന്ന് പാ​ർ​ട്ടി നേ​താ​വ് സ​ന്ദീ​പ് ദീ​ക്ഷി​ത് വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ബി.​ജെ.​പി​യും സ​ഖ്യ​ക​ക്ഷി​ക​ളും അ​പ്ര​തീ​ക്ഷി​ത​മാ​യി തൂ​ത്തു​വാ​രി​യ ഒ​ഡി​ഷ, ആ​ന്ധ്ര​പ്ര​ദേ​ശ് എ​ന്നീ സം​സ്ഥാ​ന​ങ്ങ​ളി​ൽ വോ​ട്ടു​ക​ണ​ക്കി​ലെ വ്യ​ത്യാ​സം 12.5 ശ​ത​മാ​നം വ​രെ​യാ​ണ്. ഇ​ത്ര​യും വ​ലി​യ വ്യ​ത്യാ​സ​മു​ണ്ടാ​യ​ത് എ​ങ്ങ​നെ​യെ​ന്ന് തെ​ര​ഞ്ഞെ​ടു​പ്പ് ക​മീ​ഷ​ൻ വ്യ​ക്ത​മാ​ക്ക​ണം. ക​ണ​ക്കി​ൽ ഒ​രു ശ​ത​മാ​നം വ​രെ​യൊ​ക്കെ വ്യ​ത്യാ​സം മ​ന​സ്സി​ലാ​ക്കാ​മെ​ങ്കി​ലും ല​ക്ഷ​ദ്വീ​പി​ൽ ഇ​ത് 25 ശ​ത​മാ​നം വ​രെ ആ​യ​തെ​ങ്ങ​നെ​യാ​ണ്? 2019ൽ ​ഈ വ്യ​ത്യാ​സം കേ​വ​ലം ഒ​രു ശ​ത​മാ​നം മാ​ത്ര​മാ​യി​രു​ന്നു.

ആ​ദ്യ​ഘ​ട്ട വോ​ട്ടെ​ടു​പ്പി​ലെ അ​വ​സാ​ന വോ​ട്ടു​ക​ണ​ക്ക് പു​റ​ത്തു​വി​ടാ​ൻ 11 ദി​വ​സം എ​ടു​ത്ത ക​മീ​ഷ​ൻ ര​ണ്ടാം ഘ​ട്ട​ത്തി​ൽ ആ​റു​നാ​ളും തു​ട​ർ​ന്നു​ള്ള ഘ​ട്ട​ങ്ങ​ളി​ൽ നാ​ലും അ​ഞ്ചും ദി​വ​സ​ങ്ങ​ളു​മെ​ടു​ത്തു. സാ​​​ങ്കേ​തി​ക വി​ദ്യ​യു​ടെ ആ​ധു​നി​ക കാ​ല​ത്ത് പോ​ൾ ചെ​യ്ത വോ​ട്ടു​ക​ളു​ടെ അ​വ​സാ​ന ക​ണ​ക്ക് ക്രോ​ഡീ​ക​രി​ക്കാ​ൻ ക​മീ​ഷ​ൻ അ​ന​വ​ധി ദി​വ​സ​ങ്ങ​ൾ എ​ടു​ത്ത​തി​ൽ സ​ന്ദീ​പ് അ​ത്ഭു​തം പ്ര​ക​ടി​പ്പി​ച്ചു.

ക​മീ​ഷ​ന്റെ വി​ശ്വാ​സ്യ​ത ചോ​ദ്യം ചെ​യ്യ​പ്പെ​ടു​ക മാ​ത്ര​മ​ല്ല, മൊ​ത്തം തെ​ര​ഞ്ഞെ​ടു​പ്പ് പ്ര​ക്രി​യ​യി​ൽ ത​ന്നെ സം​ശ​യം സൃ​ഷ്ടി​ക്കു​ന്ന​താ​ണി​ത്. ഈ ​വി​ഷ​യ​ത്തി​ൽ തൃ​പ്തി​ക​ര​മാ​യ വി​ശ​ദീ​ക​ര​ണം ക​മീ​ഷ​ൻ ന​ൽ​കി​യി​ല്ലെ​ങ്കി​ൽ അ​തി​ന് മു​ക​ളി​ലു​ള്ള സ്ഥാ​പ​ന​ങ്ങ​ളെ സ​മീ​പി​ക്കു​മെ​ന്നും സ​ന്ദീ​പ് ദീ​ക്ഷി​ത് കൂ​ട്ടി​ച്ചേ​ർ​ത്തു.