സെബി അധ്യക്ഷയുടെ രാജിക്ക് സമ്മർദം ശക്തമാക്കി കോൺഗ്രസ്

ന്യൂ​ഡ​ൽ​ഹി: സെ​ബി അ​ധ്യ​ക്ഷ​യു​ടെ രാ​ജി​ക്കാ​യി സ​മ്മ​ർ​ദം ശ​ക്ത​മാ​ക്കി കോ​ൺ​ഗ്ര​സ്. അ​മേ​രി​ക്ക​ൻ സ്വ​കാ​ര്യ നി​ക്ഷേ​പ സ്ഥാ​പ​ന​മാ​യ ബ്ലാ​ക് സ്റ്റോ​ണു​മാ​യി സെ​ബി അ​ധ്യ​ക്ഷ​ക്കും ഭ​ർ​ത്താ​വി​നു​മു​ള്ള ബ​ന്ധം സം​ബ​ന്ധി​ച്ച് മാ​ധ്യ​മ​ങ്ങ​ളി​ലൂ​ടെ പു​റ​ത്തു​വ​രു​ന്ന വെ​ളി​പ്പെ​ടു​ത്ത​ലു​ക​ൾ ഞെ​ട്ടി​ക്കു​ന്ന​താ​ണെ​ന്ന് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് പ​റ​ഞ്ഞു. ഓ​രോ ദി​വ​സ​വും പു​തി​യ വെ​ളി​പ്പെ​ടു​ത്ത​ലു​ക​ളാ​ണ് വി​ഷ​യ​ത്തി​ൽ പു​റ​ത്തു​വ​രു​ന്ന​ത്. ഈ ​അ​വ​സ​ര​ത്തി​ൽ സു​പ്രീം​കോ​ട​തി നി​ർ​ദേ​ശ​പ്ര​കാ​രം അ​ദാ​നി ഗ്രൂ​പ്പി​നെ​തി​രെ സെ​ബി ന​ട​ത്തു​ന്ന അ​​ന്വേ​ഷ​ണം എ​ത്ര​​ത്തോ​ളം വി​ശ്വ​സ​നീ​യ​മാ​ണെ​ന്നും ജ​യ​റാം ര​മേ​ശ് എ​ക്സി​ലെ കു​റി​പ്പി​ൽ ചോ​ദി​ച്ചു. ബ്ലാ​ക് സ്റ്റോ​ണു​മാ​യു​ള്ള ബ​ന്ധം സം​ബ​ന്ധി​ച്ച് ഉ​ന്ന​യി​ക്ക​പ്പെ​ടു​ന്ന ആ​രോ​പ​ണ​ങ്ങ​ൾ അ​വ​ർ​ക്ക് നി​ഷേ​ധി​ക്കാ​നാ​യി​ട്ടി​ല്ല. മാ​ധ​ബി പു​രി ബു​ച്ച് സെ​ബി ചെ​യ​ർ​പേ​ഴ്സ​ൺ സ്ഥാ​ന​ത്തു​നി​ന്ന് പി​ന്മാ​റ​ണ​മെ​ന്നും ജ​യ​റാം ര​മേ​ശ് ആ​വ​ശ്യ​പ്പെ​ട്ടു.

സെ​ബി ച​ട്ട​പ്ര​കാ​രം വീ​ഴ്ച ക​​ണ്ടെ​ത്തി​യാ​ൽ കേ​ന്ദ്ര ഗ​വ​ൺ​മെ​ന്റി​നാ​ണ് അ​ധ്യ​ക്ഷ​യെ നീ​ക്കാ​ൻ അ​ധി​കാ​ര​മു​ള്ള​ത്. ദി​നം​പ്ര​തി കൂ​ടു​ത​ൽ ആ​രോ​പ​ണ​ങ്ങ​ളും വെ​ളി​പ്പെ​ടു​ത്ത​ലും അ​ധ്യ​ക്ഷ​ക്കെ​തി​രെ പു​തു​താ​യി വ​ന്നു​കൊ​ണ്ടി​രി​ക്കു​ന്ന സാ​ഹ​ച​ര്യ​ത്തി​ൽ ന​ട​പ​ടി സ്വീ​ക​രി​ക്കാ​ൻ​ കേ​ന്ദ്ര​സ​ർ​ക്കാ​ർ നി​ർ​ബ​ന്ധി​ത​രാ​യേ​ക്കു​മെ​ന്നാ​ണ് ക​രു​ത​പ്പെ​ടു​ന്ന​ത്. അ​ദാ​നി ഗ്രൂ​പ്പി​നെ​തി​രെ സെ​ബി​യു​ടെ അ​ന്വേ​ഷ​ണം കാ​ര്യ​മാ​യി മു​ന്നോ​ട്ടു​പോ​കാ​ത്ത​ത് മാ​ധ​ബി​യു​ടെ സ്വാ​ധീ​നം കൊ​ണ്ടാ​ണെ​ന്നും വി​വി​ധ ഷെ​ല്‍ ക​മ്പ​നി​ക​ളി​ല്‍ മാ​ധ​വി ബു​ച്ചി​നും ഭ​ര്‍ത്താ​വി​നും നി​ക്ഷേ​പ​മു​ണ്ടെ​ന്നും ക​ഴി​ഞ്ഞ ആ​ഴ്ച ഹി​ന്‍ഡ​ന്‍ബ​ര്‍ഗ് ആ​രോ​പി​ച്ചി​രു​ന്നു. മാ​ധ​ബി​ക്ക് അ​ഗോ​റ അ​ഡ്വൈ​സ​റി എ​ന്ന പേ​രി​ല്‍ ഇ​ന്ത്യ​യി​ല്‍ ക​ണ്‍സ​ൽ​ട്ട​ന്‍സി സ്ഥാ​പ​ന​മു​ണ്ടെ​ന്നും റി​പ്പോ​ര്‍ട്ടി​ല്‍ പ്ര​തി​പാ​ദി​ച്ചി​രു​ന്നു. ഇ​തി​ന് പി​ന്നാ​ലെ, സെ​ബി​യു​ടെ ത​ല​പ്പ​ത്തി​രി​ക്കെ, മാ​ധ​ബി പു​രി ബു​ച്ച് ച​ട്ട​വി​രു​ദ്ധ​മാ​യി ക​ണ്‍സ​ൽ​ട്ട​ന്‍സി സ്ഥാ​പ​നം ന​ട​ത്തി വ​രു​മാ​നം നേ​ടി​യ​താ​യി റോ​യി​ട്ടേ​ഴ്‌​സ് റി​പ്പോ​ര്‍ട്ട് ചെ​യ്തി​രു​ന്നു. സ്വ​ത​ന്ത്ര പ്ര​വ​ര്‍ത്ത​നാ​ധി​കാ​ര​മു​ള്ള സ്ഥാ​പ​ന​ത്തി​ന്റെ ഉ​ന്ന​ത സ്ഥാ​ന​ത്ത് എ​ത്തി​യ​തി​നു​ശേ​ഷ​വും സ്വ​ന്തം ക​മ്പ​നി​യി​ലെ ഓ​ഹ​രി നി​ക്ഷേ​പം തു​ട​ര്‍ന്ന​ത് ഗു​രു​ത​ര ച​ട്ട​ലം​ഘ​ന​മാ​ണെ​ന്നാ​ണ് വി​ല​യി​രു​ത്ത​ല്‍. ഇ​തി​നെ​ല്ലാം പി​ന്നാ​ലെ, അ​മേ​രി​ക്ക​ൻ വ​ൻ​കി​ട നി​ക്ഷേ​പ സ്ഥാ​പ​ന​മാ​യ ബ്ലാ​ക് സ്റ്റോ​ണു​മാ​യു​ള്ള മാ​ധ​ബി ബു​ച്ചി​ന്റെ​യും ഭ​ർ​ത്താ​വി​ന്റെ​യും ബ​ന്ധ​വും വാ​ർ​ത്ത​യാ​വു​ക​യാ​ണ്.

സെ​ബി അ​ധ്യ​ക്ഷ​ക്കെ​തി​രെ കൂ​ടു​ത​ൽ വെ​ളി​പ്പെ​ടു​ത്ത​ലു​ക​ൾ എ​ത്തു​ന്ന​തോ​ടെ എ​ൻ.​ഡി.​എ ഘ​ട​ക​ക​ക്ഷി​ക​ളു​ടെ നി​ല​പാ​ടും നി​ർ​ണാ​യ​ക​മാ​വും. ക​ഴി​ഞ്ഞ മാ​ർ​ച്ചി​ൽ ഹി​ൻ​ഡ​ൻ​ബ​ർ​ഗ് വെ​ളി​പ്പെ​ടു​ത്ത​ലി​നെ തു​ട​ർ​ന്ന് സം​യു​ക്ത പാ​ർ​ല​മെ​ന്റ​റി ക​മ്മി​റ്റി അ​ന്വേ​ഷ​ണം ആ​വ​ശ്യ​പ്പെ​ട്ട് രം​ഗ​ത്തു​വ​ന്ന ​ജ​ന​താ​ദ​ൾ യു​നൈ​റ്റ​ഡ് അ​ട​ക്ക​മു​ള്ള​വ​ർ നി​ല​വി​ൽ എ​ൻ.​ഡി.​എ​യു​ടെ ഭാ​ഗ​മാ​ണ്. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​യ ശേ​ഷം മു​ന്ന​ണി​യി​ൽ നി​ല​പാ​ട് വ്യ​ക്ത​മാ​ക്കു​മെ​ന്ന് ടി.​ഡി.​പി​യും ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു.