ഉ​പ​രാ​ഷ്ട്ര​പ​തി തെ​ര​ഞ്ഞെ​ടു​പ്പ്: പ്രതിപക്ഷത്തിന്‍റെ പൊതുസമ്മത സ്ഥാനാർഥിക്കായി കോൺഗ്രസ് നീക്കം

ന്യൂ​ഡ​ൽ​ഹി: ഉ​പ​രാ​ഷ്ട്ര​പ​തി തെ​ര​ഞ്ഞെ​ടു​പ്പി​നു​ള്ള വി​ജ്ഞാ​പ​നം പു​റ​പ്പെ​ടു​വി​ച്ചതിന് പിന്നാലെ പ്രതിപക്ഷത്തിന്‍റെ പൊതുസമ്മത സ്ഥാനാർഥിക്കുള്ള ചർച്ചയുമായി കോൺഗ്രസ് രംഗത്ത്. രാജ്യസഭ പ്രതിപക്ഷ നേതാവ് മല്ലികാർജുന ഖാർഗെയാണ് പ്രതിപക്ഷ പാർട്ടികളുമായുള്ള ചർച്ചക്ക് നേതൃത്വം നൽകുന്നത്. വിഷയം ചർച്ച ചെയ്യാനുള്ള സംയുക്ത യോഗത്തിന് മുമ്പ് യോജിച്ച സ്ഥാനാർഥിയെ കണ്ടെത്താനുള്ള നീക്കത്തിലാണ് പ്രതിപക്ഷ പാർട്ടികൾ.

രാഷ്ട്രപതി തെരഞ്ഞെടുപ്പിൽ തീരുമാനിച്ചത് പോലെ പാർട്ടിക്ക് പുറത്ത് നിന്നുള്ള പൊതുസമ്മത സ്ഥാനാർഥിയെ പിന്തുണക്കാനുള്ള നീക്കത്തിലാണ് കോൺഗ്രസ് ദേശീയ നേതൃത്വം. ഈ വിഷയത്തിൽ പ്രതിപക്ഷ പാർട്ടികളുടെ സംയുക്ത യോഗമാകും അന്തിമ തീരുമാനം സ്വീകരിക്കുക.

നേരത്തെ, രാഷ്ട്രപതി തെരഞ്ഞെടുപ്പിൽ പ്രതിപക്ഷ പാർട്ടികളുടെ സംയുക്ത സ്ഥാനാർഥിയായി മുൻ കേന്ദ്രമന്ത്രി യശ്വന്ത് സിൻഹയാണ് മത്സരിക്കുന്നത്. ദ്രൗപതി മുർമുവാണ് എൻ.ഡി.എയുടെ സ്ഥാനാർഥി.

ആ​ഗ​സ്റ്റ് ആ​റി​നാണ് ഉ​പ​രാ​ഷ്ട്ര​പ​തി തെ​ര​ഞ്ഞെ​ടു​പ്പ്. ജൂ​ലൈ 19നാ​ണ് നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​നു​ള്ള അ​വ​സാ​ന തീ​യ​തി. പ​ത്രി​ക​യു​ടെ സൂ​ക്ഷ്മ പ​രി​ശോ​ധ​ന 20ന് ​പൂ​ർ​ത്തി​യാ​വും. 22വ​രെ​യാ​ണ് പി​ൻ​വ​ലി​ക്കാ​നു​ള്ള സ​മ​യം. നി​ല​വി​ൽ ഉ​പ​രാ​ഷ്ട്ര​പ​തി​യാ​യ എം. ​വെ​ങ്ക​യ്യ നാ​യി​ഡു​വി​ന്റെ കാ​ലാ​വ​ധി ആ​ഗ​സ്റ്റ് 10ന് ​അ​വ​സാ​നി​ക്കും. ആ​ഗ​സ്റ്റ് 11ന് ​പു​തി​യ ഉ​പ​രാ​ഷ്ട്ര​പ​തി സ്ഥാ​ന​മേ​ൽ​ക്കും.

ബി.​ജെ.​പി നേ​തൃ​ത്വ​ത്തി​ലു​ള്ള എ​ൻ.​ഡി.​എ സ​ഖ്യ​ത്തി​ന് തെ​ര​ഞ്ഞെ​ടു​പ്പി​ൽ വ്യ​ക്ത​മാ​യ മു​ൻ​തൂ​ക്ക​മു​ണ്ട്. എ​ന്നാ​ൽ, നി​ല​വി​ൽ ഒ​രു പാ​ർ​ട്ടി​യും ഇ​തു​വ​രെ ഉ​പ​രാ​ഷ്ട്ര​പ​തി സ്ഥാ​നാ​ർ​ഥി​യെ പ്ര​ഖ്യാ​പി​ച്ചി​ട്ടി​ല്ല. ഇ​രു സ​ഭ​ക​ളി​ലു​മാ​യി 788 അം​ഗ​ങ്ങ​ൾ ര​ഹ​സ്യ ബാ​ല​റ്റി​ലൂ​ടെ​യാ​ണ് ഉ​പ​രാ​ഷ്ട്ര​പ​തി​യെ തെ​ര​ഞ്ഞെ​ടു​ക്കു​ക. ഇ​ദ്ദേ​ഹം ത​ന്നെ​യാ​ണ് രാ​ജ്യ​സ​ഭ​യി​ലെ അ​ധ്യ​ക്ഷ​നും.