മാസ്​കിനെ വാക്​സിൻ പോലെ കണക്കാക്കണം -സത്യേന്ദർ ജെയ്​ൻ

ന്യൂഡൽഹി: മാസ്​ക് ധരിക്കുന്നതിനെ കോവിഡ്​ വാക്​സിൻ പോലെ കണക്കാക്കണമെന്ന്​ ഡൽഹി ആ​േരാഗ്യ മന്ത്രി സത്യേന്ദർ ജെയ്​ൻ. ഉത്സവകാലം അടുത്തുവരികയും രാജ്യ തലസ്ഥാനത്ത് കോവിഡ്​ രോഗികളുടെ എണ്ണം കുതിച്ചുയരുകയും ചെയ്യുന്ന അവസരത്തിൽ അണുബാധകളും മരണങ്ങളും കുറക്കുന്നതിനാവശ്യമായ നടപടികൾ സ്വീകരിക്കണമെന്നും അദ്ദേഹം അഭ്യർഥിച്ചു.

മാസ്​ക്​ ധരിക്കുന്നതിൻെറ ഗുണം ലോക്​ഡൗണിന്​ തുല്യമാണെന്നും അദ്ദേഹം ചൂണ്ടിക്കാട്ടി.

''നമ്മൾ ലോക്​ഡൗൺ നടപ്പാക്കിയപ്പോൾ കേസുകൾ കുറഞ്ഞില്ല. നൂറ്​ ശതമാനം ആളുകളും മാസ്​ക്​ ധരിക്കുകയാണെങ്കിൽ കോവിഡ് 19നെ​ ഒരു പരിധി വരെ നിയന്ത്രിച്ചു നിർത്താം. മാസ്ക്​ ധരിക്കുന്നതിൻെറ ഗുണം​ ​ഒരു ലോക്​ഡൗണിൻെറ അത്രയും തന്നെയാണ്​. ഒരു വാക്സിൻ ലഭിക്കുന്നതുവരെ മാസ്കുകളെ വാക്സിനുകളായി കണക്കാക്കണം." -സത്യേന്ദർ ജെയ്​ൻ പറഞ്ഞു.

വർധിച്ചുവരുന്ന അന്തരീക്ഷ മലിനീകരണം സംബന്ധിച്ച ആശങ്കകൾക്കിടയിൽ മാസ്ക് ധരിക്കുന്നത് വായു മലിനീകരണത്തിൽ നിന്ന് ആളുകളെ സംരക്ഷിക്കാൻ സഹായിക്കുമെന്നും സത്യേന്ദർ ജെയ്​ൻ പറഞ്ഞു.