ഭരണഘടനയും ബി.ജെ.പി ആക്രമണത്തിനിരയെന്ന്​ രാഹുൽ ഗാന്ധി

ന്യൂഡൽഹി: ബി.ജെ.പി ഭരണത്തിനു കീഴിൽ ഇന്ത്യൻ ഭരണഘടനയും ആക്രമിക്കപ്പെടുകയാണെന്ന്​ കോൺഗ്രസ്​ ഉപാധ്യക്ഷൻ രാഹുൽ ഗാന്ധി. ഭരണഘടനക്കെതിരെയുള്ള കടന്നുകയറ്റത്തെ ശക്തമായി പ്രതിരോധിക്കേണ്ടതുണ്ട്​. അത്​ ഒരോ വ്യക്തികളുടെയും ഭാവി സുരക്ഷിതമാക്കുന്നതിന്​ വേണ്ടിയാണെന്നും രാഹുൽ ഗാന്ധി പറഞ്ഞു. കോൺഗ്രസ്​ സ്ഥാപക ദിന ചടങ്ങ്​ ഉദ്​ഘാടനം ചെയ്​ത​ു സംസാരിക്കുകയായിരുന്നു അദ്ദേഹം. 

രാഷ്​ട്രീയ നേട്ടത്തിനു വേണ്ടി ബി.ജെ.പി കള്ളങ്ങൾ പ്രചരിപ്പിക്കുകയാണ്​. കോൺഗ്രസ്​ പാർട്ടിക്ക്​ രാഷ്​ട്രീയ നഷ്​ടമോ തെരഞ്ഞെടുപ്പ്​ തോൽവിയോ ഉണ്ടാകാം. എന്നാൽ സത്യത്തിനു വേണ്ടിയാണ്​ പാർട്ടി നിലകൊള്ളുന്നതെന്നും രാഹുൽ പറഞ്ഞു. 

രാജ്യം വഞ്ചനയുടെ വലയിൽ അകപ്പെട്ടിരിക്കയാണ്​. രാഷ്​ട്രീയനേട്ടത്തിനായി കള്ളങ്ങളും പ്രചരിപ്പിക്കാമെന്നതാണ്​ ബി.​ജെ.പിയുടെ അടിസ്ഥാന തത്വം. എന്നാൽ സത്യത്തിനുവേണ്ടി ഏതു നഷ്​ടവും സഹിക്കാൻ കോൺഗ്രസ്​ തയാറാണെന്നും രാഹുൽ കൂട്ടിച്ചേർത്തു. 

ബി.ജെ.പി അ​​ധി​​കാ​​ര​​ത്തി​​ൽ​​ വ​​ന്ന​​ത്​ ഭ​​ര​​ണ​​ഘ​​ട​​ന തി​​രു​​ത്തി എ​​ഴു​​താ​​നും മ​​ത​​നി​​ര​​പേ​​ക്ഷ​​ത എ​​ന്ന വാ​​ക്ക്​ അ​​തി​െ​ൻ​റ ആ​​മു​​ഖ​​ത്തി​​ൽ​​നി​​ന്ന്​ നീ​​ക്കം ചെ​​യ്യാ​​നു​​മാ​​ണെ​​ന്ന​ കേന്ദ്രസഹമന്ത്രി അനന്ത്​ കുമാർ ഹെഡ്​ഗെയുടെ പ്രസ്​താവന വിവാദമായിരുന്നു.