മരണമുനമ്പായി അമേരിക്ക; പൊലിഞ്ഞത്​ 40 ഓളം ഇന്ത്യക്കാരുടെ ജീവനും

വാഷിങ്​ടൺ: അഞ്ചുലക്ഷത്തിലധികം പേർക്ക്​ കോവിഡ്​ ബാധിച്ച അമേരിക്കയിൽ​ ജീവൻ പൊലിഞ്ഞത്​ 40ൽ അധികം ഇന്ത്യക്കാര ുടെയും. 1500ഓളം പേർക്ക്​ രോഗം സ്​ഥിരീകരിക്കുകയും ചെയ്​തു. മരിച്ചവരിൽ 17 പേർ കേരളത്തിൽ നിന്നുള്ളവരാണ്​.

ഒരു ദി വസം 2000ത്തിൽ അധികം പേർ മരിച്ചതായി റിപ്പോർട്ട്​ ചെയ്​ത ഏക ​രാജ്യം അമേരിക്കയാണ്​. 2108 പേരാണ്​ 24 മണിക്കൂറിനുള്ളിൽ ഇവിടെ മരിച്ചത്​. കോവിഡ്​ ബാധ നാശം വിതക്കുന്ന ഇറ്റലിയിലേക്കാളും ഉത്​ഭവ കേന്ദ്രമായ ചൈനയെക്കാളും ഭീകരമായാണ്​ അമേരിക്കയിയിലെ സ്​ഥിതി​.

നിലവിൽ യു.എസിലെ വൈറസിൻെറ ഉത്​ഭവകേന്ദ്രമായി കണക്കാക്കുന്നത്​ ന്യൂയോർക്കാണ്​. ന്യൂജേഴ്​സിയിലും മരണസംഖ്യ ഉയരുന്നുണ്ട്​. ന്യൂയോർക്കിലും ന്യൂജേഴ്​സിയിലുമാണ്​ കൂടുതൽ ഇന്ത്യക്കാരുള്ളതെന്നും ആശങ്ക ഉയർത്തുന്നു.

മരിച്ചവരിൽ 17 മലയാളികളും10 ഗുജറാത്തികളും നാലു പഞ്ചാബികളും രണ്ടു ആന്ധ്ര പ്രദേശുകാരും ഒരു ഒഡീഷക്കാരനും ഉൾപ്പെടുന്നു. മരിച്ച 21 കാരനൊഴികെ ബാക്കിയെല്ലാവരും 60 വയസിന്​ മുകളിലുള്ളവരാണ്​. ന്യൂജേഴ്​സിയിൽ 400 ഓളവും ന്യൂയോർക്കിൽ ആയിരത്തിലധികവും ഇന്ത്യക്കാർക്ക്​ കോവിഡ്​ സ്​ഥിരീകരിച്ചിട്ടുണ്ട്​.