ലോക്​ഡൗൺ മേയ്​ 29 വരെ നീട്ടി തെലങ്കാന 

ഹൈദരാബാദ്​: സംസ്ഥാനത്ത്​ കോവിഡ്​ ബാധിതരുടെ എണ്ണം വർധിക്കുന്ന സാഹചര്യത്തിൽ ലോക്​ഡൗൺ മേയ്​ 29 വരെ നീട്ടുമെന്ന്​ തെലങ്കാന മുഖ്യമന്ത്രി കെ. ചന്ദ്രശേഖര റാവു. ഇന്ന്​ വൈകീട്ട്​ നടന്ന മന്ത്രിസഭായോഗത്തിലാണ്​ ലോക്​ഡൗൺ നീട്ടാൻ തീരുമാനിച്ചത്​. ​േലാക്​ഡൗൺ തുടരാനാണ്​ ജനങ്ങൾ ആവശ്യപ്പെടുന്നത്. ഇക്കാര്യം പ്രധാനമന്ത്രി നരേന്ദ്രമോദിയെ അറിയിക്കുമെന്നും ചന്ദ്രശേഖര റാവു പറഞ്ഞു. 

തെലങ്കാനയിൽ നിലവിൽ ആറു ജില്ലകൾ റെഡ്​ സോണുകളാണ്​. 18 ഓറഞ്ച്​​ സോണുകളും ഒമ്പത്​ ഗ്രീൻ സോണുമുണ്ട്​. റെഡ്​ സോണായ മൂന്നു ജില്ലകളിൽ കോവിഡ്​ വ്യാപന നിരക്ക്​ rവള​രെ കൂടുതലാണ്​. 

കേന്ദ്രസർക്കാർ റെഡ്​ സോണുകളിൽ കൂടി കടകൾ തുറക്കാമെന്ന്​ അറിയിച്ചിരുന്നു. എന്നാൽ അത്​ നിലവിലുള്ള അവസ്ഥ വഷളാക്കും. അതിനാൽ ഹൈദരാബാദ്​, മെദ്​​കൽ, സൂര്യപേട്ട്​, വിക്രാബാദ്​ എന്നിവിടങ്ങളിൽ കടകൾ തുറന്നു പ്രവർത്തിക്കാൻ അനുമതി നൽകികില്ലെന്ന്​ മുഖ്യമന്ത്രി പറഞ്ഞു. 

തെലങ്കാനയിൽ 1096 ​പേർക്കാണ്​ കോവിഡ് ​സ്ഥിരീകരിച്ചിടുള്ളത്​. വൈറസ്​ ബാധയെ തുടർന്ന്​ 29 പേർ മരിക്കുകയും ചെയ്​തു.