ആ​ന്ധ്രയിൽ 24 മണിക്കൂറിനുള്ളിൽ 24000 പേർക്ക് കോവിഡ്​;​ 101 പേർ മരിച്ചു

അമരാവതി: ആ​ന്ധ്രാ പ്രദേശിൽ കോവിഡ്​ രോഗികളുടെ എണ്ണം കുതിച്ചുയരുന്നു. കഴിഞ്ഞ 24 മണിക്കൂറിനുള്ളിൽ ആന്ധ്രാ പ്രദേശിൽ കോവിഡ്​ സ്ഥിരീകരിച്ചത്​ 24,171 പേർക്കാണ്​​. 101 പേർ കോവിഡ്​ ബാധിച്ച്​ മരിക്കുകയും ചെയ്​തു.

കഴിഞ്ഞ 15 ദിവസത്തിനുള്ളിൽ 3 ലക്ഷം പേർക്കാണ്​ സംസ്ഥാനത്ത്​ കോവിഡ്​ സ്ഥിരീകരിച്ചത്​. 14 ലക്ഷം പേർക്കാണിതുവരെ കോവിഡ്​ ബാധിച്ചത്​.

ഈസ്​റ്റ് ഗോദാവരി, ചിറ്റൂർ, വിശാഖപട്ടണം എന്നിവിങ്ങളിലൊക്കെ കോവിഡ്​ ബാധിതരുടെ എണ്ണത്തിൽ വൻ വർദ്ധനയാണ്​ രേഖപ്പെടുത്തുന്നത്​.

ഇതിനിടയിൽ കഴിഞ്ഞ ദിവസം ആന്ധ്രാപ്രദേശിൽ ആശുപത്രിയിൽ ചികിത്സയിലായിരുന്ന 11 കൊവിഡ് രോ​ഗികൾ ഓക്സിജൻ കിട്ടാത്തതിനെത്തുടർന്ന് മരിച്ചിരുന്നു.