ലോക്​ഡൗൺ തുടങ്ങു​േമ്പാൾ കോവിഡില്ലാ ജില്ലകൾ 419; ഇപ്പോൾ 49  കേന്ദ്രത്തിന്​ പാളുന്നുവോ?

കോവിഡ്​ 19 വൈറസ്​ ബാധിതരുടെ എണ്ണം ഇന്ത്യയിൽ അനുദിനം ഉയരുകയാണ്​. പ്രതിദിന രോഗബാധിതരുടെ എണ്ണം 11,000 കടന്നിരിക്കുന്നു. ജൂൺ ഒന്ന്​ മുതൽ ലോക്​ഡൗണിൽ ഇളവ്​ അനുവദിച്ചതിന്​ പിന്നാലെ വലി​യ രീതിയിലാണ്​ ഇന്ത്യയിൽ കോവിഡ്​ രോഗബാധിതരുടെ എണ്ണം ഉയരുന്നത്​.

ഈയൊരു സാഹചര്യത്തിൽ ലോക്​ഡൗൺ വീണ്ടും കർശനമാക്കണമെന്നാണ്​ വിവിധ സംസ്ഥാനങ്ങൾ കേ​ന്ദ്രസർക്കാറിനോട്​ ആവശ്യപ്പെടുന്നത്​. എന്നാൽ, ലോക്​ഡൗൺ ​കൊണ്ട്​ മാത്രം നിലവിൽ ഇന്ത്യയിലെ പ്രതിസന്ധിയെ മറികടക്കാൻ കഴിയുമോയെന്നതാണ്​ ഉയരുന്ന ചോദ്യം.

കോവിഡ്​ 19 വൈറസ്​ ബാധ​യോട്​ വളരെ വൈകി മാത്രം പ്രതികരിച്ച രാജ്യമാണ്​ ഇന്ത്യയെന്ന വിമർശനങ്ങൾ ശക്​തമാണ്​. മാർച്ചിൽ വിവിധ രാജ്യങ്ങളിൽ കോവിഡ്​ പടർന്നു പിടിക്കു​േമ്പാഴും അന്താരാഷ്​ട്ര വിമാന സർവീസുകൾ നടത്തിയ ഇന്ത്യയുടെ നടപടിയെ വിമർശിക്കുന്നവർ ഏറെയാണ്​. ഇതുമൂലം രോഗബാധിതർ കൂടുതലായി ഇന്ത്യയിലെത്തിയെന്നാണ്​ വിമർശനം. പിന്നീട്​ ​മാർച്ച്​ 24നാണ്​ ലോകത്തിലെ ത​ന്നെ ഏറ്റവും കർശനമായ ലോക്​ഡൗൺ പ്രധാനമന്ത്രി നരേന്ദ്രമോദി രാജ്യത്ത്​ പ്രഖ്യാപിക്കുന്നത്​.

ലോക്​ഡൗൺ പ്രഖ്യാപിച്ചിട്ടും രോഗബാധിതരുടെ എണ്ണം നിയന്ത്രിക്കുന്നതിൽ ഇന്ത്യ പരാജയപ്പെട്ടുവെന്ന്​ ആരോഗ്യരംഗത്തെ ഉപദേശക സമിതിയുടെ മുൻ ചെയർമാൻ ടി.സുന്ദരൻ പറഞ്ഞു. ലോക്​ഡൗൺ തുടങ്ങു​േമ്പാൾ ഇന്ത്യയിലെ 419 ജില്ലകളിൽ കോവിഡ്​ വ്യാപനമുണ്ടായിരുന്നില്ല. എന്നാൽ, ഇപ്പോൾ കോവിഡില്ലാത്ത ജില്ലകളുടെ എണ്ണം 49 ആയി ചുരുങ്ങി.

ഇന്ത്യയെ പോലെ ജനസംഖ്യ കൂടുതലുള്ള രാജ്യങ്ങളിൽ ലോക്​ഡൗൺ ഫലപ്രദമാവില്ലെന്ന്​ ആരോഗ്യരംഗത്ത്​ പ്രവർത്തിക്കുന്ന ഗവേഷകൻ ജയപ്രകാശ്​ മുലിയിൽ സ്​ക്രോളിന്​ നൽകിയ അഭിമുഖത്തിൽ പറയുന്നു. ലോക്​ഡൗൺ ഗുണത്തേക്കാളേറെ ദോഷമാണ്​ ചെയ്യുകയെന്നും അദ്ദേഹം അഭിപ്രായപ്പെടുന്നു.

യു.കെ പോലുള്ള ​രാജ്യങ്ങളിൽ നിന്ന്​ കോപ്പിയടിച്ച ലോക്​ഡൗണാണ്​ ഇന്ത്യയിൽ നടപ്പിലാക്കിയതെന്നാണ്​ വൈറോളജിസ്​റ്റായ ജേക്കബ്​ ജോണി​​െൻറ വിമർശനം. ലോക്​ഡൗണി​​െൻറ അർഥം പോലും കേന്ദ്രസർക്കാറിന്​ അറിയില്ലെന്നും ​കോവിഡ്​ കേസുകൾ വർധിക്കു​േമ്പാഴാണ്​ ഇന്ത്യയിൽ നിയന്ത്രണങ്ങൾ നീക്കുന്നതെന്നും അദ്ദേഹം വിമർശിക്കുന്നു. 

ലോക്​ഡൗൺ ഏർപ്പെടുത്തുന്നതിനൊപ്പം മാസ്​ക്​ ധരിക്കുന്നതിനെ കുറിച്ചും ജനങ്ങൾക്ക്​ ബോധവൽക്കരണം നൽകണം. മലിനജലത്തിലുടെ കോളറ പടരു​േമ്പാൾ കുടിവെള്ള വിതരണം നിർത്തുകയല്ലല്ലോ ചെയ്യുക. പകരം ശുദ്ധ ജലം ജനങ്ങൾക്ക്​ ഉറപ്പാക്കുകയാണ്​ വേണ്ടത്​. ഇതുപോലെ കോവിഡിനെ തടയാൻ സമ്പൂർണ നിയന്ത്രണം കൊണ്ടുവരുന്നത്​ ഫലപ്രദമാവില്ലെന്നും ജേക്കബ്​ ജോൺ പറഞ്ഞു. കോവിഡ്​ പടരുന്നത്​ തടയാൻ സാമൂഹിക അകലം പാലിക്കുന്നതിനേക്കാൾ നല്ലത്​ മാസ്​ക്​ ധരിക്കുന്നതാണെന്ന പഠനഫലവും ഇതിനൊപ്പം ചേർത്ത്​ വായിക്കണമെന്നും അദ്ദേഹം ആവശ്യപ്പെട്ടു.

രാജ്യം വീണ്ടും പൂർണ ലോക്​ഡൗണിലേക്ക് പോകാതെ​ പ്രാദേശികതലത്തിൽ നടപ്പാക്കുകയാവും ഉചിതമെന്നാണ്​ പല വിദഗ്​ധരും അഭിപ്രായപ്പെടുന്നത്​. സാഹചര്യങ്ങൾക്കനുസരിച്ച്​ തീരുമാനമെടുക്കാൻ പ്രാദേശിക ഭരണകൂടങ്ങൾക്ക്​ അധികാരം നൽകണം. എങ്കിൽ മാത്രമേ കോവിഡിനെ ഫലപ്രദമായി പ്രതിരോധിക്കാൻ ഇന്ത്യക്ക്​ സാധിക്കു. അതേസമയം ഇന്ത്യയിലെ ജനങ്ങൾക്ക്​ കോവിഡിനെ കുറിച്ച്​ അവബോധം നൽകുന്നതിൽ ലോക്​ഡൗൺ സഹായിച്ചിട്ടുണ്ടെന്നാണ്​ തീരുമാനത്തെ അനുകൂലിക്കുന്നവരുടെ പ്രധാന വാദം.