സുപ്രീംകോടതി ജീവനക്കാരന്​ കോവിഡ്​; രണ്ടുപേർ നിരീക്ഷണത്തിൽ

ന്യൂഡൽഹി: സുപ്രീംകോടതി ജീവനക്കാരന്​ കോവിഡ്​ 19 സ്​ഥിരീകരിച്ചു. തിങ്കളാഴ്​ചയാണ്​ ജീവനക്കാരന്​ കോവിഡ്​ സ്​ഥിരീകരിച്ചത്​. ജീവനക്കാരനുമായി സമ്പർക്കം പുലർത്തിയ രണ്ടു രജിസ്​ട്രാർമാരെ മുൻകരുതൽ നടപടിയുടെ ഭാഗമായി വീട്ടുനിരീക്ഷണത്തിലാക്കി.

ജുഡീഷ്യൽ വിഭാഗത്തിൽ ഏപ്രിൽ 16നാണ്​ ഇദ്ദേഹം അവസാനമായി ജോലിക്ക്​ ഹാജറായത്​. ഏപ്രിൽ 16ന്​ ശേഷം ഇദ്ദേഹത്തിന്​ പനിയുണ്ടായിരുന്നു. തുടർന്ന്​ സാമ്പിളുകൾ പരിശോധനക്ക്​ അയച്ചു. ഡൽഹിയിലെ സർക്കാർ ആശുപത്രിയിൽ ചികിത്സയിലാണ്​ ഇദ്ദേഹം. ജീവനക്കാരനുമായി അടുത്തിടപഴകിയവരെ കണ്ടെത്തിയിട്ടുണ്ട്​.