അൺലോക്​ 5 നവംബർ 30 ലേക്ക്​ നീട്ടി, കൂടുതൽ ഇളവുകളില്ല

ന്യൂഡൽഹി: സെപ്​റ്റംബർ 30 മുതൽ രാജ്യത്ത്​ പ്രഖ്യാപിച്ച അൺലോക്​-5 ​െൻറ നിയന്ത്രണങ്ങൾ നവംബർ 30 വരെ നീട്ടിയതായി കേന്ദ്ര ആഭ്യന്തര മന്ത്രാലയം അറിയിച്ചു. 50 ശതമാനം ആളുകൾക്ക്​ പ്രവേശനം അനുവദിച്ചുകൊണ്ട്​ സിനിമ തീയേറ്റർ, കായിക പരിശീലന നീന്തൽ കുളങ്ങൾ എന്നിവ തുറക്കുന്നത്​ തുടരാം. 200ൽ കൂടാതെ ആളുകളെ ഉൾകൊള്ളിച്ചുള്ള കൂട്ടായ്​മകൾ നടത്താനും അനുമതിയുണ്ട്​. അതേസമയം കൺടെയ്​മെൻറ്​ സോണുകളിൽ ലോക്​ഡൗൺ കർശനമായിത്തന്നെ നടപ്പാക്കും.

കേന്ദ്ര ആരോഗ്യ മന്ത്രാലയത്തി​െൻറ കണക്കുകൾ പ്രകാരം പുതിയ രോഗികളുടെ എണ്ണത്തിലും മരണത്തിലും കുറവുണ്ടായിട്ടുണ്ട്​. ഒക്​ടോബർ 15 മുതൽ സ്​കൂളുകളും കോച്ചിങ്​ സ്ഥാപനങ്ങളും തുറക്കുന്നത്​ സംസ്ഥാന സർക്കാറിന്​ തീരുമാനിക്കാമെന്ന്​ ​നേരത്തേ കേന്ദ്ര വിദ്യാഭ്യാസ മന്ത്രാലയം മാർഗനിർദേശം പുറത്തിറക്കിയിരുന്നു. എന്നാൽ കേരളത്തിലെ കോവിഡ്​ സാഹചര്യം കണക്കിലെടുത്ത്​ സ്​കൂൾ തുറക്കുന്നില്ലെന്ന്​ മുഖ്യമന്ത്രി വ്യക്തമാക്കിയിരുന്നു.