കോവിഡ്;​ മൂന്നാംതരംഗം ഒഴിവാക്കാനാകില്ല, രണ്ടാം വ്യാപനത്തിന്‍റെ പരമാവധിയിലേക്ക്​ കടക്കുന്നുവെന്ന്​ ആരോഗ്യവിദഗ്​ധർ

ന്യൂഡൽഹി: രാജ്യത്ത്​ കൊറോണ വൈറസിന്‍റെ മൂന്നാം തരംഗം ഒഴിവാക്കാൻ കഴിയി​െല്ലന്ന്​ ആരോഗ്യവിദഗ്​ധർ. രണ്ടാം തരംഗത്തിന്​ ശേഷം കോവിഡിന്‍റെ മൂന്നാം വ്യാപനം ഉറപ്പായുമുണ്ടാകു​മെന്നും പ്രിൻസിപ്പൽ സയന്‍റിഫിക്​ ഉപദേഷ്​ടാവ്​ പ്രഫ. കെ. വിജയരാഘവൻ കേന്ദ്രത്തിനെ അറിയിച്ചു.

മൂന്നാംതരംഗം എപ്പോൾ തുടങ്ങുമെ​േ​ന്നാ, അതിന്‍റെ തോത്​ എത്രത്തോളമാണെന്നോ പറയാൻ കഴ​ിയില്ല. ​കൊറോണ വൈറസ്​ വകഭേദങ്ങളുടെ സ്വഭാവം മാറിവരുന്ന സാഹചര്യത്തിൽ രാജ്യം ​അത്​ നേരിടാൻ തയാറായിരിക്കണം. രാജ്യം കോവിഡിനെ നേരിടാൻ ഒരുങ്ങിയിരിക്കണമെന്നും കോവിഡ്​ അവലോകന യോഗത്തിന്​ ശേഷമ​ുള്ള വാർത്താസമ്മേളനത്തിൽ അദ്ദേഹം പറഞ്ഞു.

നിലവിൽ വകഭദങ്ങളെ നേരിടാൻ വാക്​സിൻ ഫലപ്രദമാണ്​. എന്നാൽ ഇനിയും വകഭേദങ്ങളുണ്ടാകുമെന്ന സാഹചര്യത്തിൽ ശാസ്​ത്രജ്ഞൻ വാക്സിനുകളിൽ അനിവാര്യ മാറ്റം വരുത്താൻ പരിശ്രമിച്ചുകൊണ്ടിരിക്കണം. വൈറസിൽ പ്രതീക്ഷിക്കാവുന്ന എല്ലാ വകഭേദങ്ങളെയും മുൻകൂട്ടി കാണണം. അതിന്​ അനുസൃതമായി വാക്​സിനുകളിലും മാറ്റം വരുത്തികൊണ്ടിരിക്കണം. ​കോവിഡ്​ വ്യാപനത്തിന്‍റെ പ്രധാനകാരണങ്ങളിലൊന്ന്​ ഇത്തരത്തിൽ വകഭേദം വന്ന വൈറസുകളാണെന്നും അദ്ദേഹം പറഞ്ഞു.

ഒന്നാം വ്യാപനത്തിലെ ആർജിത പ്രതിരോധ ശേഷി ക്ഷയിച്ചു. ഒരിക്കൽ രോഗം വന്നവർക്ക്​ വീണ്ടും രോഗം സ്​ഥിരീകരിക്കാൻ തുടങ്ങി. പ്രതിരോധ ശേഷി കുറഞ്ഞതും അശ്രദ്ധമായ പെരുമാറ്റവുമാണ്​ രണ്ടാംതരംഗത്ത​ിലേക്ക്​ നയിച്ചതിന്‍റെ പ്രധാന കാരണമെന്നും അദ്ദേഹം കൂട്ടിച്ചേർത്തു.

മേയ്​ ഏഴോടെ രാജ്യത്ത്​ രണ്ടാം തരംഗം ഏറ്റവും ഉയർന്ന നിരക്കിലെത്തുമെന്ന്​ കേന്ദ്രസർക്കാറിന്‍റെ മാത്തമാറ്റിക്കൽ മോഡലിങ്​ വിദഗ്​ധരിൽ ഒരാളായ പ്രഫ. എം. വിദ്യാസാഗർ ഇന്ത്യ ടുഡെ ടി.വ​ിയോട്​ പറഞ്ഞു. മേയ്​ ഏഴോടെ കോവിഡ്​ വ്യാപനം പരമാവധിയിലെത്തിയശേഷം ഗ്രാഫ്​ താഴും. കോവിഡ്​ കേസുകൾ കുറയും. എന്നാൽ ചില സംസ്​ഥാനങ്ങളിൽ ഇവ ശരിയായിരിക്കില്ല. മിക്ക സംസ്​ഥാനങ്ങളിലും പല സമയങ്ങളിലായിരിക്കും ഇതെന്നും അദ്ദേഹം പറഞ്ഞു.