കോവിഡ് മരണം: പുതുച്ചേരിയിൽ കുടുംബങ്ങൾക്ക്​ ഒരു ലക്ഷം വീതം നഷ്​ടപരിഹാരം

ചെന്നൈ: പുതുച്ചേരിയിൽ കോവിഡ്​ ബാധിച്ച് മരിച്ചവരുടെ കുടുംബങ്ങൾക്ക്​ ഒരു ലക്ഷം രൂപ വീതം നഷ്​ടപരിഹാരം നൽകുമെന്ന്​ മുഖ്യമന്ത്രി വി. നാരായണസാമി അറിയിച്ചു. പുതുച്ചേരിയിൽ ഇതേവരെ രോഗം ബാധിച്ച്​ 34 പേരാണ്​ മരിച്ചത്​. മൊത്തം 2,420 പേർക്കാണ്​ രോഗം ബാധിച്ചത്​.

രോഗബാധിത പ്രദേശങ്ങളിലെ മുഴുവൻ വീടുകളിലും 700 രൂപ മതിപ്പുള്ള അവശ്യസാധന കിറ്റുകൾ വിതരണം ചെയ്യും.

മുഖ്യമന്ത്രിയുടെ കോവിഡ്​ നിവാരണ പൊതുനിധിയിലേക്ക്​ 9.16 കോടി രൂപ ലഭിച്ചതായും അദ്ദേഹം അറിയിച്ചു.