കോവിഡ്​ ചട്ടലംഘനം: ഡൽഹിയിലെ രണ്ട്​ മാർക്കറ്റുകൾ അടച്ചു

ന്യൂഡൽഹി: കോവിഡ്​ മാനദണ്ഡങ്ങൾ കാറ്റിൽ പറത്തിയതിനെ തുടർന്ന്​ രാജ്യ തലസ്​ഥാനത്തെ രണ്ട്​ മാർക്കറ്റുകൾ ജൂലൈ ആറ്​ വരെ അടച്ചിടും. പഞ്ചാബി ബസ്​തിയും നങ്കലോയിയിലെ ജനത മാർക്കറ്റുമാണ്​ അടച്ചിടുക. കടയുടമകളും ജനങ്ങളും കോവിഡ്​ ചട്ടങ്ങൾ പാലിക്കുന്നില്ലെന്ന്​ ചൂണ്ടിക്കാട്ടി സബ്​ ഡിവിഷനൽ മജിസ്​ട്രേറ്റ്​ ഷലേശ്​ കുമാറാണ്​ ഉത്തരവിട്ടത്​.

ഈ കാലയളവിൽ ഏതെങ്കിലും കടയുടമകൾ നിയമം ലംഘിച്ചാൽ കർശന നടപടി സ്വീകരിക്കുമെന്ന്​ ഉത്തരവിൽ പറയുന്നു. കോവിഡ്​ ചട്ടം ലംഘിച്ചതിന്​ ഗാന്ധിനഗറിലെ ഒരു കട അധികൃതർ ഏഴ്​ ദിവസത്തേക്ക്​ പൂട്ടിച്ചു.

കോവിഡ്​ രണ്ടാം തരംഗം അതിരൂക്ഷമായി ബാധിച്ച ഡൽഹി ഏപ്രിൽ 19 മുതൽ മേയ്​ 30 വരെ ലോക്​ഡൗണിലായിരുന്നു.