കോവിഡ്​: കാനഡയിൽ 82 ബില്യൺ ഡോളറി​ൻെറ പാക്കേജ്​; ഇന്ത്യയിൽ ജനതാ കർഫ്യു VIDEO

കോവിഡ്​ 19 വൈറസ്​ ബാധ വലിയ ആശങ്കയാണ്​ ലോകത്ത്​ വിതക്കുന്നത്​. ഏതാണ്ട്​ എല്ലാ രാജ്യങ്ങളും വൈറസ്​ ബാധയുടെ പിട ിയിലായിട്ടുണ്ട്​. രണ്ട്​ ലക്ഷത്തിലധികം പേർക്ക്​ കോവിഡ്​ ബാധിച്ചുവെന്നും ഇതിൽ 10000ലധികം പേർ മരിക്കുകയും ചെയ്​ തുവെന്നാണ് ഏറ്റവും പുതിയ​ കണക്കുകൾ​.

കോവിഡ്​ ബാധയുമായി ബന്ധപ്പെട്ട്​ വലിയ ആശങ്ക ഉയരു​േമ്പാൾ രണ്ട്​ ഭരണാ ധികാരികൾക്ക്​ മഹാമാരിയോടുള്ള സമീപനവും വലിയ ചർച്ചയാവുന്നു​. ഇന്ത്യൻ പ്രധാനമന്ത്രി നരേന്ദ്രമോദിയും കനേഡിയൻ പ്രധാനമന്ത്രി ജസ്​റ്റിൻ ​ട്രൂഡോയും വൈറസ്​ ബാധയെ പ്രതിരോധിക്കാനായി നടത്തിയ പ്രഖ്യാപനങ്ങൾ വലിയ ചർച്ചകൾക്കാണ്​ തുടക്കമിടുന്നത്​.

വൈറസ്​ ബാധ രാജ്യത്ത്​ രൂക്ഷമായ സാഹചര്യത്തിലാണ്​ പ്രധാനമ​ന്ത്രി നരേന്ദ്രമോദി രാജ്യത്തെ അഭിസംബോധന ചെയ്​ത്​ സംസാരിച്ചത്​. രാജ്യം യുദ്ധസമാനമായ പ്രതിസന്ധിയേയാണ്​ നേരിടുന്നതെന്നും കോവിഡ്​ ഇന്ത്യയെ ബാധിക്കില്ലെന്ന്​ പറയാനാവില്ലെന്നുമായിരുന്നു മോദിയുടെ ആദ്യ പ്രസ്​താവന.

ജനങ്ങൾ ഒരു ദിവസം സ്വയം കർഫ്യു ആചരിച്ച്​ പുറത്തിറങ്ങരുതെന്നും മോദി ആവശ്യപ്പെട്ടു. ​കർഫ്യു ദിനത്തിൽ കോവിഡ്​ 19 വൈറസ്​ ബാധക്കിടെ ജനങ്ങൾക്കായി പ്രവർത്തിക്കുന്ന ആരോഗ്യപ്രവർത്തകർ ഉൾപ്പടെയുള്ളവർക്ക്​ ഐക്യദാർഢ്യം പ്രഖ്യാപിക്കണമെന്നും മോദി പറഞ്ഞു. കോവിഡ്​ വൈറസ്​ ബാധ മൂലം തകർച്ചയിലായ സമ്പദ്​വ്യവസ്ഥയെ കരകയറ്റാൻ ഒരു പ്രഖ്യാപനവുമില്ലാതെയാണ്​ മോദി പ്രസംഗം അവസാനിപ്പിച്ചത്​.

എന്നാൽ, മറുവശത്ത്​ ലോകത്തിൻെറ തന്നെ ശ്രദ്ധ പിടിച്ചുപറ്റുന്ന രീതിയിലായിരുന്നു ട്രൂഡോയുടെ പ്രഖ്യാപനം. കോവിഡ്​ വൈറസ്​ ബാധമൂലം വലയുന്ന കനേഡിയൻ ജനതക്കായി 82 ബില്യൺ ഡോളറിൻെറ ആ​ശ്വാസ പാക്കേജാണ്​ ട്രൂഡോ പ്രഖ്യാപിച്ചത്​. ഇതിൽ 27 ബില്യൺ ഡോളർ കാനഡയിലെ തൊഴിലാളികൾക്കും വ്യവസായികൾക്കുമായാണ്​ നീക്കിവെച്ചത്​.

മോദിയുടെ പ്രസംഗം പുറത്ത്​ വന്നതിന്​ പിന്നാലെ ഇരു രാജ്യങ്ങളുടെയും കോവിഡ്​ പ്രതിരോധമാണ്​ സാമൂഹിക മാധ്യമങ്ങളിൽ ചർച്ചയാവുന്നത്​​. മോദിയുടെ പ്രഖ്യാപനത്തിന്​ ​സാമൂഹിക മാധ്യമങ്ങളിൽ​ ട്രോളുകളാണെങ്കിൽ ട്രൂഡോയ്​ക്ക്​ കൈയടികളാണ്​ ലഭിച്ചത്​.

രണ്ട്​ പേരുടെയും പ്രസംഗങ്ങൾ താരതമ്യം ചെയ്​തുള്ള വീഡിയോകളും സാമൂഹിക മാധ്യമങ്ങളിൽ പ്രചരിക്കുന്നുണ്ട്​. വരും ദിവസങ്ങളിലും ഇതുസംബന്ധിച്ച ചർച്ചകൾ തുടരുമെന്ന്​ തന്നെയാണ്​ പ്രതികരണങ്ങൾ സൂചിപ്പിക്കുന്നത്​.