ഇന്ത്യയിൽ 61 ലക്ഷം കവിഞ്ഞ് കോവിഡ് രോഗികൾ; രോഗമുക്തി നേടിയത് 51 ലക്ഷം
text_fieldsന്യൂഡൽഹി: ഇന്ത്യയിൽ കോവിഡ് രോഗികളുടെ എണ്ണം 61 ലക്ഷം കടന്നതായി കേന്ദ്ര ആരോഗ്യ കുടുംബക്ഷേമ മന്ത്രാലയം. കഴിഞ്ഞ 24 മണിക്കൂറിനിടെ 70,589 പേർക്കാണ് രോഗബാധ സ്ഥിരീകരിച്ചത്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 61, 45,292 ആയി.
കഴിഞ്ഞ ദിവസം 776 കോവിഡ് മരണങ്ങളാണ് റിപ്പോർട്ട് ചെയ്തത്. രാജ്യത്ത് ഇതുവരെ 96,318 പേർ കോവിഡ് ബാധിച്ച് മരിച്ചു. മരണനിരക്ക് 1.57 ശതമാനമായെന്ന് ആരോഗ്യമന്ത്രാലയം അറിയിച്ചു.
രാജ്യത്ത് 51,01397 ലക്ഷം പേർ രോഗമുക്തി നേടി. കോവിഡ് രോഗമുക്തി നിരക്ക് 83.01 ശതമാനമായി ഉയർന്നു. നിലവിൽ 9,47,576 പേരാണ് ചികിത്സയിലുള്ളത്.
അതേസമയം, മഹാരാഷ്ട്രയിൽ കോവിഡ് ബാധ രൂക്ഷമാവുകയാണ്. സംസ്ഥാനത്ത് നിലവിൽ 2,65, 455 പേർ ചികിത്സയിലുണ്ട്. 10.49 ലക്ഷം പേർ രോഗമുക്തി നേടി. 35,751 പേർക്ക് ജീവൻ നഷ്ടമാവുകയും ചെയ്തു.
രണ്ടാം സ്ഥാനത്തുള്ള കർണാടകയിൽ 1.04,067 പേർ ചികിത്സയിലുണ്ട്. കോവിഡ് മൂലം 8,641 പേർ മരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.