എയ്​ഡ്​സ്​ ബാധിതന്​ ആറുദിവസത്തിനകം കോവിഡ്​ മുക്​തി

ന്യൂഡൽഹി: എയ്​ഡ്​സ്​ രോഗബാധിതനായ 34 കാരൻ ആറുദിവസത്തെ ചികിത്സക്കു ശേഷം കോവിഡ്​ മുക്​തനായി. കിങ്​ ജോർജ്​സ്​ മെഡിക്കൽ യൂനിവേഴ്​സിറ്റിയിൽ ചികിത്സയിലായിരുന്ന ഇദ്ദേഹത്തെ തിങ്കളാഴ്​ചയാണ്​ ഡിസ്​ചാർജ്​ ചെയ്​തത്​. ഇദ്ദേഹത്തോട്​ 14 ദിവസം വീട്ടുനിരീക്ഷണത്തിൽകഴിയാനും അതിനു ശേഷം ആശുപത്രിയിൽ വരാനും നിർദേശിച്ചതായി ഡോക്​ടർമാർ പറഞ്ഞു.

ന്യൂഡൽഹിയിൽ നിന്ന്​ സ്വദേശമായ ഗോണ്ടയിലേക്ക്​ വരു​േമ്പാൾ റോഡപകടത്തിൽ തലക്കു ഗുരുതരമായി പരിക്കേറ്റാണ്​ 34കാരനെ ആശുപത്രിയിൽ പ്രവേശിപ്പിച്ചത്​. തുടർന്നു നടത്തിയ പരിശോധനയിലാണ്​ കോവിഡ്​-19  സ്​ഥിരീകരിച്ചത്​. എയ്​ഡ്​സിനും മരുന്ന്​ കഴിക്കുന്നുണ്ടായിരുന്നു. തങ്ങളുടെ സർവീസിനിടെ ആദ്യമായാണ്​ എയ്​ഡ്​സ്​ രോഗബാധിതനായ ഒരാൾ ആറുദിവസത്തിനകം കോവിഡ്​ മുക്​തനാകുന്നതെന്നും ഡോക്​ടർമാർ പറഞ്ഞു.