12-14 പ്രായക്കാർക്ക് വാക്സിൻ മാർച്ചിൽ
text_fieldsന്യൂഡൽഹി: 12 മുതൽ 14 വരെയുള്ള കുട്ടികൾക്ക് കോവിഡ് വാക്സിൻ മാർച്ചിൽ നൽകിത്തുടങ്ങിയേക്കും. 15 മുതൽ 18 വരെയുള്ളവർക്ക് അതിനകം രണ്ടു ഡോസ് വാക്സിനും നൽകാൻ കഴിയുമെന്ന് പ്രതീക്ഷിക്കുന്നതായും വാക്സിൻ സാങ്കേതിക ഉപദേശക സമിതിയായ എൻ.ടി.എ.ജി.ഐയുടെ ചെയർമാർ ഡോ. എൻ.കെ. അറോറ പറഞ്ഞു.
15-18 പ്രായപരിധിയിൽ 7.8 കോടി പേർ വരുമെന്നാണ് കണക്കാക്കുന്നത്. ഇതിൽ 3.45 കോടി പേർക്ക് കോവാക്സിൻ ആദ്യ ഡോസ് നൽകിക്കഴിഞ്ഞു. 28 ദിവസത്തിനകമാണ് രണ്ടാമത്തെ ഡോസ് നൽകേണ്ടത്.
അതുകൂടി പൂർത്തിയാകുന്ന മുറക്ക് 12-14 പ്രായക്കാർക്ക് വാക്സിൻ നൽകുന്ന കാര്യത്തിൽ സർക്കാർ നയപരമായ തീരുമാനമെടുക്കുമെന്ന് അറോറ വിശദീകരിച്ചു. ഈ പ്രായപരിധിയിൽപെട്ടവർ ഏഴര കോടി വരുമെന്നാണ് കണക്കാക്കുന്നത്. ആരോഗ്യ പ്രവർത്തകർക്കും 60 കഴിഞ്ഞവർക്കും മുൻകരുതലായി മൂന്നാം ഡോസ് വാക്സിൻ ജനുവരി 10 മുതൽ നൽകിവരുകയാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.