കോവിഡ്​19: 114 ഇന്ത്യക്കാരെ ദുബൈയിൽ നിന്നും തിരിച്ചെത്തിച്ചു; 14 ദിവസ​ത്തെ സമ്പർക്കവിലക്ക്​

പൂനെ: കോവിഡ്​19 ഭീതിക്കിടെ ദുബൈയിൽ നിന്നുള്ള 114 ഇന്ത്യക്കാരെ പ്രത്യേക വിമാനത്തിൽ രാജ്യത്തെത്തിച്ചു. സ്​​പൈസ് ​ജെറ്റി​​​െൻറ പ്രത്യേക വിമാനത്തിൽ ഇവരെ ഇന്ന്​ രാവിലെ പൂനെ വിമാനത്താവളത്തിലാണ്​ എത്തിച്ചത്​. ​എല്ലാ യാത്രക്ക ാർക്കും 14 ദിവസത്തെ സമ്പർക്കവിലക്ക്​ ഏർപ്പെടുത്തിയിട്ടുണ്ട്​.

സംഘത്തിലെ ഒരാൾ ചുമയും മറ്റു രോഗലക്ഷണങ്ങളുമുണ്ടെന്ന്​ അറിയിച്ചതിനെ തുടർന്ന്​ ഇദ്ദേഹത്തെ നായിഡു സർക്കാർ ആശുപത്രിയിലേക്ക്​ മാറ്റി. ബാക്കി യാത്രക്കാരെ പൂനെയിലെ വിവിധ ആശുപത്രികളിലുള്ള ​ക്വാറ​​​െൻറയിൻ വാർഡുകളിലേക്ക്​ മാറ്റിയിട്ടുണ്ട്​.

ഇന്ത്യയിൽ ഇതുവരെ 195 പേർക്കാണ്​ കോവിഡ്​19 സ്ഥിരീകരിച്ചത്​. പശ്ചിമബംഗാൾ, പഞ്ചാബ്​്, ആന്ധ്ര പ്രദേശ്​, ഉത്തരാഖണ്ഡ്​ എന്നീ സംസ്ഥാനങ്ങളിൽ ഇന്ന്​ പുതിയ കോവിഡ്​ ബാധ സ്ഥിരീകരിച്ചിട്ടുണ്ട്​. വൈറസ്​ ബാധ തടയുന്നതിന്​ വിദേശയാത്രാ വിലക്ക്​ ഉൾപ്പെടെയുള്ള കർശന നടപടികൾ കേന്ദ്രസർക്കാർ സ്വീകരിച്ചിട്ടുണ്ട്​.