മഹാരാഷ്​ട്രയിൽ 63 പേർക്ക്​ കോവിഡ്​; ഇന്ന്​ സ്ഥിരീകരിച്ചത്​ 11 പേർക്ക്​

മുംബൈ: മഹാരാഷ്​ട്രയിൽ ഇതുവരെ 63 പേർക്ക് കോവിഡ്​19 രോഗബാധ സ്ഥിരീകരിച്ചതായി ആരോഗ്യമന്ത്രി രാജേഷ്​ തോ​െപ അറി യിച്ചു. ഒറ്റ ദിവസത്തിനുള്ളിൽ 11 കോവിഡ്​ പോസിറ്റീവ്​ കേസുകളാണ്​ സ്ഥിരീകരിച്ചത്​. ഇതിൽ എട്ടുപേർ വിദേശത്ത്​ യാത ്ര ചെയ്​തവരും മൂന്നുപേർ ഇവരുമായി ബന്ധപ്പെട്ടവരുമാണ്​.

സംസ്ഥാനത്ത്​ രോഗബാധിതരുടെ എണ്ണം വർധിക്കുന്നതിനാൽ ആശുപത്രികളിൽ 250 ​െഎസൊലേഷൻ വാർഡുകളും 7000 സാധാരണ ബെഡുകളും സജീകരിച്ചിട്ടുണ്ട്​. ജനങ്ങൾ സാമൂഹിക - ശാരീരിക അകൽച്ച പാലിക്കണമെന്നും ആരോഗ്യമന്ത്രി ആവശ്യപ്പെട്ടു.

മുംബൈ, പൂനെ സ്​റ്റേഷനുകളിൽ എത്തുന്ന എല്ലാ യാത്രക്കാരെയും ആരോഗ്യപ്രവർത്തകൻ പരിശോധനക്ക്​ വിധേയമാക്കുന്നുണ്ട്​. ഇൗസ്​റ്റ്​ സെൻട്രൽ റെയിൽവേയുടെ കീഴിലുള്ള എല്ലാ സ്​റ്റേഷനുകളിലും പരിശോധനാ സംവിധാനമുണ്ടെന്നും യ​ാത്രക്കാർ സഹകരിക്കണമെന്നും അധികൃതർ അറിയിച്ചു.

മഹാരാഷ്​ട്രയിലെ ജൽന സിറ്റിയിൽ സാനിറ്റൈസറുകൾ പൂഴ്​ത്തിവെച്ച കേസിൽ നാലുപേരെ പൊലീസ്​ അറസ്​റ്റു ചെയ്​തു. ആറു ലക്ഷം രൂപയുടെ ഹാൻഡ്​ സാനിറ്റൈസറുകളാണ്​ ഇവർ പൂഴ്​ത്തിവെച്ചിരുന്നത്​.
മഹാരാഷ്​ട്രയിലെ പ്രധാന മാളുകളും തിയേറ്ററുകളും മറ്റ്​ സ്ഥാപനങ്ങളും അടച്ചിട്ടിട്ടുണ്ട്​.