കോവിഡ്​ 19: എൻ.പി.ആറും ജനസംഖ്യ കണക്കെടുപ്പും നിർത്തിവെച്ചു

ന്യൂഡൽഹി: രാജ്യത്ത് എൻ‌.പി‌.ആർ പുതുക്കുന്നതും 2021 ലെ ജനസംഖ്യ കണക്കെടുപ്പിനുള്ള വിവര ശേഖരണവും ആഭ്യന്തര മന്ത്രാല യം നിർത്തിവച്ചു. കോവിഡ്​ 19 വൈറസ് ബാധ പടർന്നു പിടിച്ചതിൻെറ പശ്ചാത്തലത്തിലാണ്​ നടപടി. രാജ്യത്ത്​ 21 ദിവസ​ത്തെ അട ച്ചിടൽ പ്രഖ്യാപിച്ച്​ ഒരു ദിവസം പിന്നിട​ുമ്പോഴാണ്​ സർക്കാറിൻെറ തീരുമാനം.

എൻ.പി.ആറും ജനസംഖ്യ കണക്കെടുപ്പും രാജ്യത്തെ ന്യൂനപക്ഷ വിഭാഗത്തിൻെറ പൗരത്വം എടു​ത്തു കളയാനുള്ള ശ്രമത്തിൻെറ ഭാഗമാണെന്ന്​ സംശയിക്കുന്നതായും ഇവ രണ്ടും നിർത്തിവെക്കണമെന്നും പ്രതിപക്ഷം പല തവണ ആവശ്യപ്പെട്ടിരുന്നു. എന്നാൽ ഇൗ ഭയം അടിസ്ഥാനരഹിതമാണെന്നാണ്​ കേന്ദ്ര സർക്കാർ അറിയിച്ചത്​.

ഇപ്പോഴത്തെ സാഹചര്യം പരിഗണിച്ച്​ എൻ.പി.ആറും ജനസംഖ്യാ കണക്കെടുപ്പിനുള്ള വിവര ശേഖരണവും നിർത്തിവെക്കണമെന്ന്​ നിരവധി സംസ്ഥാനങ്ങളും രാഷ്​ട്രീയ നേതാക്കളും അഭ്യർഥിച്ചിരുന്നു. ഏപ്രിൽ ഒന്നിനും സെപ്​റ്റംബർ 30നും ഇടയിലായി ഇവ നടത്താനായിരുന്നു തീരുമാനിച്ചിരുന്നത്​.

എൻ.പി.ആർ, ജനസംഖ്യ കണക്കെടുപ്പിനുള്ള വിവര ശേഖരണം എന്നിവക്കുള്ള ഒരുക്കങ്ങൾ ശക്തമാണെന്ന് സെൻസസ് ഓപ്പറേഷൻ ഡയറക്ടർമാരുടെ കോൺഫറൻസിന് ശേഷം ആഭ്യന്തര മന്ത്രാലയം അടുത്തിടെ പറഞ്ഞിരുന്നു. കേരളം, പശ്ചിമ ബംഗാൾ, പഞ്ചാബ്​, രാജസ്ഥാൻ, ഛത്തിസ്​ഗഢ്​, ബിഹാർ എന്നീ സംസ്ഥാനങ്ങൾ എൻ.പി.ആറിനെ എതിർത്തിരുന്നു.

LATEST VIDEO