വ്യാജ മരുന്ന്​ കുത്തിവെച്ച്​​ കോവിഡ്​ ബാധിതനായ ഡോക്​ടർ മരിച്ചു

ചെ​ന്നൈ: വ്യാ​ജ റെം​ഡെ​സി​വി​ർ മ​രു​ന്ന്​ കു​ത്തി​വെ​ച്ച്​ കോ​വി​ഡ്​ ബാ​ധി​ത​നാ​യ ഡോ​ക്​​ട​ർ മ​രി​ച്ചു. ഡി​ണ്ടി​വ​നം മെ​ഡ്​ സൂ​പ്പ​ർ സ്​​പെ​ഷാ​ലി​റ്റി ആ​ശു​പ​ത്രി​യി​ലെ കോ​വി​ഡ്​ വാ​ർ​ഡി​ൽ ചി​കി​ത്സ​യി​ലാ​യി​രു​ന്ന ഡോ.​രാ​മ​നാ​ണ്​ വ്യാ​ജ റെം​ഡെ​സി​വി​ർ കു​ത്തി​വെ​പ്പി​ന്​ ഇ​ര​യാ​യ​ത്. അ​വ​ശ നി​ല​യി​ലാ​യ ഇ​ദ്ദേ​ഹ​ത്തെ പി​ന്നീ​ട്​ ചെ​ന്നൈ​യി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റി​യെ​ങ്കി​ലും മ​രി​ച്ചു.

ഡോ.​രാ​മ​െൻറ സ​ഹോ​ദ​ര​ൻ ന​ൽ​കി​യ പ​രാ​തി​യു​ടെ അ​ടി​സ്​​ഥാ​ന​ത്തി​ൽ ആ​രോ​ഗ്യ വ​കു​പ്പ്​​ പ​രി​ശോ​ധ​ന ന​ട​ത്തി. 12 കു​പ്പി മ​രു​ന്നാ​ണ്​ അ​നു​വ​ദി​ച്ചി​രു​ന്ന​ത്. എ​ന്നാ​ൽ, പ​രി​ശോ​ധ​ന​യി​ൽ 18 കു​പ്പി ക​ണ്ടെ​ത്തി. തു​ട​ർ​ന്നു​ള്ള അ​ന്വേ​ഷ​ണ​ത്തി​ലാ​ണ്​ പു​തു​ച്ചേ​രി​യി​ൽ​നി​ന്ന്​ വ്യാ​ജ മ​രു​ന്ന്​ എ​ത്തി​ച്ച വി​വ​ര​മ​റി​യു​ന്ന​ത്.

കോ​വി​ഡ്​ ചി​കി​ത്സ രേ​ഖ​ക​ളി​ൽ ക്ര​മ​ക്കേ​ടു​ക​ൾ ന​ട​ന്ന​താ​യും ക​ണ്ടെ​ത്തി​യി​ട്ടു​ണ്ട്. ഇ​തേ​ത്തു​ട​ർ​ന്ന്​ കോ​വി​ഡ്​ ചി​കി​ത്സ​ക്കു​ള്ള ലൈ​സ​ൻ​സ്​ സ​ർ​ക്കാ​ർ റ​ദ്ദാ​ക്കി. ഒ​രു ല​ക്ഷം രൂ​പ പി​ഴ​യും ചു​മ​ത്തി.

ആ​രോ​ഗ്യ വ​കു​പ്പ്​​ അ​ധി​കൃ​ത​ർ ന​ൽ​കി​യ പ​രാ​തി​യു​ടെ അ​ടി​സ്​​ഥാ​ന​ത്തി​ൽ അ​ഡ്​​മി​നി​സ്​​ട്രേ​റ്റ​ർ ഡോ. ​സു​രേ​ഷി​നെ പൊ​ലീ​സ്​ അ​റ​സ്​​റ്റ്​ ചെ​യ്​​തു.