കനലൊരു തരിഗാമി; നിയമസഭയിലെത്തുന്നത് അഞ്ചാം തവണ

ശ്രീനഗർ: ജമ്മു- കശ്മീരിലെ ചുകപ്പുരാശി കാത്ത് വീണ്ടും സി.പി.എം നേതാവ് എം.വൈ. തരിഗാമി. കുൽഗാം മണ്ഡലത്തിൽനിന്ന് അഞ്ചാം തവണയാണ് മുതിർന്ന നേതാവായ തരിഗാമി തെരഞ്ഞെടുക്കപ്പെടുന്നത്. ഇത്തവണ 7,838 വോട്ടിനാണ് എതിർ സ്ഥാനാർഥി സയാർ അഹ്മദ് റെഷിയെ തോൽപിച്ചത്. 1996 മുതൽ ഇവിടെ തരിഗാമിയാണ് ജയിക്കുന്നത്. ഇത്തവണ നാഷനൽ കോൺഫറൻസ്-കോൺഗ്രസ് മുന്നണിയിലാണ് സി.പി.എം ജനവിധി തേടിയത്.

ജമ്മു- കശ്മീരിലെ ജനങ്ങൾ കേന്ദ്ര നയങ്ങൾക്കെതിരെയാണ് ഇത്തവണ വോട്ടുചെയ്തതെന്ന് തരിഗാമി പറഞ്ഞു. 2018 മുതൽ ജമ്മു-കശ്മീരിൽ ജനപ്രതിനിധികളില്ലാതെ ഉദ്യോഗസ്ഥരും ലഫ്.ഗവർണറും ചേർന്ന് ഭരിക്കുകയാണ്. ഇത് ദുരിതങ്ങൾ കൂട്ടുകയാണ് ചെയ്തത്. പുതിയ മതനിരപേക്ഷ സർക്കാർ വരുന്നതോടെ ജനങ്ങൾക്ക് തീർച്ചയായും ആശ്വാസമുണ്ടാകുമെന്ന് അദ്ദേഹം കൂട്ടിച്ചേർത്തു.

സി.പി.എം കേന്ദ്ര കമ്മിറ്റിയംഗം കൂടിയായ തരിഗാമിയുടെ ശക്തികേന്ദ്രമാണ് കുൽഗാം. അവസാനമായി തെരഞ്ഞെടുപ്പ് നടന്ന 2014ൽ പി.ഡി.പിയുടെ നസീർ അഹമ്മദ് ലവായിനെ കടുത്ത മത്സരത്തിനൊടുവിലാണ് തരിഗാമി പരാജയപ്പെടുത്തിയത്. തരിഗാമി 20,574 വോട്ട് നേടിയപ്പോൾ നസീർ അഹമ്മദ് 20,240 വോട്ട് നേടി കടുത്ത മത്സരം കാഴ്ചവെച്ചിരുന്നു.

കശ്മീരിന്‍റെ പ്രത്യേക അധികാരം റദ്ദാക്കിയത് ഉൾപ്പെടെ നിരവധി ജനകീയ വിഷയങ്ങളിലെ മുൻനിരപ്പോരാളിയാണ് 73കാരനായ തരിഗാമി. പ്രത്യേക അധികാരം പുന:സ്ഥാപിക്കണമെന്നാവശ്യപ്പെട്ടുള്ള രാഷ്ട്രീയ പാർട്ടികളുടെ കൂട്ടായ്മയായ ഗുപ്കാർ മൂവ്മെന്‍റിന്‍റെ വക്താവാണ്. പ്രത്യേക അധികാരം റദ്ദാക്കിയ സമയത്ത് സൈന്യം തരിഗാമിയെ വീട്ടുതടങ്കലിലാക്കിയതും സി.പി.എം ജനറൽ സെക്രട്ടറി സീതാറാം യെച്ചൂരി കോടതിയുടെ അനുമതിയോടെ തരിഗാമിയെ സന്ദർശിക്കാനെത്തിയതും ദേശീയ ശ്രദ്ധ നേടിയിരുന്നു.

കശ്മീരിൽ ഏഴു സ്വതന്ത്രർ

ജ​മ്മു: ജ​മ്മു-​ക​ശ്മീ​ർ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഇ​ത്ത​വ​ണ ജ​യി​ച്ച​ത് ഏ​ഴു സ്വ​ത​ന്ത്ര​ർ. 2014 തെ​ര​ഞ്ഞെ​ടു​പ്പി​ൽ മൂ​ന്നു സ്വ​ത​ന്ത്ര​രാ​ണ് സ​ഭ​യി​ലെ​ത്തി​യി​രു​ന്ന​ത്.

ഇ​ത്ത​വ​ണ ജ​യി​ച്ച​വ​ർ

സ​തേ​ഷ് ശ​ർ​മ: മു​ൻ കോ​ൺ​ഗ്ര​സ് മ​ന്ത്രി​യും എം.​പി​യു​മാ​യി​രു​ന്ന മ​ദ​ൻ ലാ​ൽ ശ​ർ​മ​യു​ടെ മ​ക​ൻ. ജ​മ്മു ഛാംബ് ​സീ​റ്റി​ൽ​നി​ന്ന് ജ​യി​ച്ചു.

പ്യാ​രി ലാ​ൽ ശ​ർ​മ: 643 വോ​ട്ടി​ന് ഇ​ന്ദേ​ർ​വാ​ളി​ൽ മു​തി​ർ​ന്ന നേ​താ​വ് ഗു​ലാം മു​ഹ​മ്മ​ദ് സ​രൂ​രി​യെ തോ​ൽ​പി​ച്ചു.

ഡോ. ​രാ​മേ​ശ്വ​ർ സി​ങ്: ബ​നി​യി​ൽ ബി.​ജെ.​പി സ്ഥാ​നാ​ർ​ഥി ജെ​വ​ൻ ലാ​ലി​നെ തോ​ൽ​പി​ച്ചു.

ചൗ​ധ​രി മു​ഹ​മ്മ​ദ് അ​ക്രം: നാ​ഷ​ന​ൽ കോ​ൺ​ഫ​റ​ൻ​സ് വി​മ​ത​നും സ്വ​ത​ന്ത്ര​നു​മാ​യ അ​ക്രം സു​രാ​ൻ​കോ​ട്ടി​ൽ കോ​ൺ​ഗ്ര​സി​നെ തോ​ൽ​പി​ച്ചു.

മു​സ​ഫ​ർ ഇ​ഖ്ബാ​ൽ ഖാ​ൻ: ത​നാ​മ​ൻ​ഡി സീ​റ്റി​ൽ ബി.​ജെ.​പി​യുടെ ഇ​ഖ്ബാ​ൽ മാ​ലി​ക്കി​നെ തോ​ൽ​പി​ച്ച​ു.

ഖു​ർ​ശി​ദ് അ​ഹ്മ​ദ് ശൈ​ഖ്: ല​ങ്കാ​തെയിൽ പീ​പ്ൾ​സ് കോ​ൺ​ഫ​റ​ൻ​സി​നെ തോ​ൽ​പി​ച്ചു.

ഷ​ബീ​ർ അ​ഹ്മ​ദ് കു​ല്ലൈ: എൻ.സി സ്ഥാ​നാ​ർ​ഥിയെ ഷോ​പ്പി​യാ​നി​ൽ തോ​ൽ​പി​ച്ചു.