കോൺഗ്രസ് കോട്ട സംരക്ഷിക്കാൻ സി.പി.എം കാവൽ

ബ​രി​ൽ മ​ത്സ​രി​ക്കു​ന്ന പി.​സി.​സി അ​ധ്യ​ക്ഷ​ൻ അ​ധീ​ർ ര​ഞ്ജ​ൻ ചൗ​ധ​രി​യു​ടെ വി​ജ​യം കോ​ൺ​ഗ്ര​സി​നേ​ക്കാ​ൾ ഉ​റ​പ്പ് സി.​പി.​എ​മ്മി​നാ​ണ്. സം​സ്ഥാ​ന​ത്ത് മു​ഖ്യ ശ​ത്രു​വാ​യ തൃ​ണ​മൂ​ൽ കോ​ൺ​ഗ്ര​സ് (ടി.​എം.​സി) വി​രു​ദ്ധ പോ​രാ​ട്ട​ത്തി​ൽ അ​ദ്ദേ​ഹ​ത്തി​ന്റെ വി​ജ​യം ഏ​റ്റ​വും കൂ​ടു​ത​ൽ ആ​ഗ്ര​ഹി​ക്കു​ന്ന​തും അ​വ​രാ​ണ്.

അ​തി​നാ​യി എ​ന്ത് സ​ഹാ​യ​ത്തി​നും പാ​ർ​ട്ടി കോ​ൺ​ഗ്ര​സി​നൊ​പ്പ​മു​ണ്ട്. നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കു​ന്ന​തി​ന് മു​ന്നോ​ടി​യാ​യി ചൗ​ധ​രി ന​ട​ത്തി​യ റോ​ഡ് ഷോ​യി​ൽ ത്രി​വ​ർ​ണ പ​താ​ക​യെ​ക്കാ​ൾ കൂ​ടു​ത​ൽ ചു​വ​ന്ന പ​താ​ക​ക​ളാ​യി​രു​ന്നു പാ​റി​ക്ക​ളി​ച്ച​ത്.

മ​ണ്ഡ​ല​ത്തി​ൽ മ​ത്സ​രി​ക്കാ​ത്ത​തി​നാ​ൽ കോ​ൺ​ഗ്ര​സ്, ടി.​എം.​സി ഓ​ഫി​സു​ക​ൾ​ക്ക് ഏ​താ​നും മീ​റ്റ​ർ അ​ക​ലെ​യു​ള്ള ജി​ല്ല സി.​പി.​എം ഓ​ഫി​സ് ​തി​ര​ക്കു​ക​ളൊ​ഴി​ഞ്ഞ് ശാ​ന്ത​മാ​ണ്. കേ​ര​ള​ത്തി​ൽ​നി​ന്നു വ​ന്ന​താ​ണെ​ന്ന് അ​റി​ഞ്ഞ​പ്പോ​ൾ മ​ണ്ഡ​ല​ത്തി​ലെ ജ​ന​വി​കാ​ര​വും കോ​ൺ​ഗ്ര​സു​മാ​യു​ള്ള സ​ഖ്യം എ​ത്ര​ത്തോ​ളം വി​ജ​യ​മെ​ന്ന് വി​ശ​ദീ​ക​രി​ക്കാ​ൻ ഓ​ഫി​സ് സെ​ക്ര​ട്ട​റി ര​ഘു​ന​ന്ധി​ക്ക് ത​ൽ​പ​ര്യ​മേ​റെ.

ബ​ഹ്റാം​പു​രി​ലെ വി​ജ​യം കോ​ൺ​ഗ്ര​സി​ന്റേ​ത​ല്ലെ​ന്നും ചൗ​ധ​രി​യു​ടെ വ്യ​ക്തി​പ്ര​ഭാ​വ​ത്തി​ന്റേ​തു​മാ​ണെ​ന്നാ​ണ് ര​ഘു​ന​ന്ധി​യും പാ​ർ​ട്ടി നേ​താ​ക്ക​ളും പ​റ​യു​ന്ന​ത്. ചൗ​ധ​രി പാ​ർ​ട്ടി മാ​റി മ​ത്സ​രി​ച്ചാ​ലും വി​ജ​യി​ക്കും.

ഇ​ട​ത് പാ​ർ​ട്ടി​ക​ളു​മാ​യു​ള്ള സ​ഖ്യം താ​ഴ​ത്ത​ട്ടി​ല​ട​ക്കം ദൃ​ഢ​മാ​യ​തി​നാ​ൽ ഇ​ക്കു​റി ഭൂ​രി​പ​ക്ഷം വ​ർ​ധി​ക്കു​മെ​ന്നും അ​ദ്ദേ​ഹം പ​റ​യു​ന്നു. വോ​​ട്ട​ടു​പ്പി​ൽ ബൂ​ത്ത് പ്ര​വ​ർ​ത്ത​ന​ങ്ങ​ളി​ലും മ​റ്റു സ​ഹ​ക​ര​ണ​ങ്ങ​ളി​ലും സി.​പി.​എ​മ്മി​ന്റെ എ​ല്ലാ സ​ഹാ​യ​വും കോ​ൺ​ഗ്ര​സി​ന് ല​ഭി​ക്കു​മെ​ന്ന് ഡി.​വൈ.​എ​ഫ്.​ഐ ജി​ല്ല ക​മ്മി​റ്റി അം​ഗം മു​ഹ​മ്മ​ദ് ശ​രീ​ഫും വ്യ​ക്ത​മാ​ക്കി.

രാ​ഷ്ട്രീ​യ ബ​ദ്ധ​വൈ​രി​യാ​യ അ​ധീ​ർ ര​ഞ്ജ​ൻ ചൗ​ധ​രി​യെ തോ​ൽ​പി​ക്കാ​ൻ, ക്രി​ക്ക​റ്റി​ൽ എ​ല്ലാ അ​ട​വും പ​യ​റ്റി സ്വ​ന്തം ടീ​മി​നെ വി​ജ​യി​പ്പി​ക്കു​ന്ന യൂ​സു​ഫ് പ​ത്താ​നെ​യാ​ണ് മ​മ​ത ക​ള​ത്തി​ൽ ഇ​റ​ക്കി​യ​ത്. മ​മ​ത​യും ചൗ​ധ​രി​യും ത​മ്മി​ലു​ള്ള രാ​ഷ്ട്രീ​യ വൈ​ര്യ​മാ​ണ് സം​സ്ഥാ​ന​ത്ത് ടി.​എം.​സി- കോ​ൺ​ഗ്ര​സ് സ​ഖ്യം പ​രാ​ജ​യ​പ്പെ​ടു​ന്ന​തി​ലെ​ത്തി​യ​ത്.

1999 മു​ത​ൽ മ​ണ്ഡ​ലം കു​ത്ത​ക​യാ​ക്കി​വെ​ച്ചി​രു​ക്കു​ന്ന ചൗ​ധ​രി​യെ​ന്ന അ​ധീ​ര​നെ തോ​ൽ​പി​ക്കാ​ൻ 66 ശ​ത​മാ​ന​ത്തി​ല​ധി​കം മു​സ്‍ലിം ഭൂ​രി​പ​ക്ഷ​മു​ള്ള മ​ണ്ഡ​ല​ത്തി​ൽ ക്രി​ക്ക​റ്റി​ൽ ഓ​ൾ​റൗ​ണ്ട​റാ​യ ഗു​ജ​റാ​ത്തു​കാ​ര​ൻ യൂ​സു​ഫ് പ​ത്താ​നെ ഇ​റ​ക്കി തി​രി​ച്ചു​പി​ടി​ക്കാ​നാ​കു​മെ​ന്ന ക​ണ​ക്കു​കൂ​ട്ട​ലി​ലാ​ണ് മ​മ​ത.

രാ​ജ്യം അ​റി​യ​പ്പെ​ടു​ന്ന താ​ര​ത്തെ മ​ത്സ​ര​ത്തി​ൽ ഇ​റ​ക്കി​യെ​ങ്കി​ലും, മ​ണ്ഡ​ല​ത്തി​ൽ പ​തി​ച്ച പോ​സ്റ്റ​റു​ക​ളി​ലെ ചി​ത്ര​ങ്ങ​ളി​ൽ മ​മ​ത​യു​ടെ​യും മ​രു​മ​ക​ൻ അ​ഭി​ഷേ​ക് ബാ​ന​ർ​ജി​യു​ടെ​യും ചി​ത്ര​ങ്ങ​ൾ മാ​ത്ര​മാ​ണ് കാ​ണാ​നാ​വു​ക. പ്ര​ചാ​ര​ണ​ത്തി​ന്റെ ആ​ദ്യ​ഘ​ട്ട​ത്തി​ൽ ബ​ഹു​ദൂ​രം മു​ന്നി​ലാ​യി​രു​ന്ന പ​ത്താ​ൻ അ​വ​സാ​ന​ത്തി​ലെ​ത്തി​യ​പ്പോ​ഴേ​ക്കും കി​ത​ക്കു​ന്ന സ്ഥി​തി​ലെ​ത്തി.

എ​തി​രാ​ളി​ക​ളെ അ​ടി​ച്ച​മ​ർ​ത്താ​നു​ള്ള ​ക്രി​ക്ക​റ്റി​ലെ മെ​ഴ്വ​ഴ​ക്കം രാ​ഷ്ട്രീ​യ അ​ര​ങ്ങേ​റ്റ​ത്തി​ൽ പ്ര​തി​ഫ​ലി​പ്പി​ക്കാ​ൻ പ​ത്താ​ന് ക​ഴി​യു​ന്നി​ല്ലെ​ന്ന് പ്ര​ചാ​ര​ണ പ​രി​പാ​ടി​ക​ളി​ൽ വ്യ​ക്ത​മാ​ണ്. ഇ​റ​ക്കു​​മ​തി​ക്കാ​ര​നാ​ണെ​ന്ന മു​​​ദ്ര​കു​ത്തു​ന്ന​തി​ൽ കോ​ൺ​ഗ്ര​സ് വി​ജ​യി​ച്ചി​ട്ടു​മു​ണ്ട്.

രാ​ഷ്ര്ടീ​യ​ത്തി​ൽ ഓ​ൾ​റൗ​ണ്ട​റാ​യ ചൗ​ധ​രി​ക്ക് സ്വ​ത​സ്സി​ദ്ധ​മാ​യ ശൈ​ലി​യി​ൽ ബം​ഗ്ലാ ഭാ​ഷ​യി​ൽ ത​മാ​ശ പ​റ​ഞ്ഞും ടി.​എം.​സി​യെ​യും ബി.​ജെ.​പി​യേ​യും ഒ​രു​പോ​ലെ ആ​ക്ര​മി​ച്ചും ആ​രോ​പ​ണ​ങ്ങ​ൾ ത​ടു​ത്തും വോ​ട്ട​ർ​മാ​രെ കൈ​യി​ലെ​ടു​ക്കാ​ൻ സാ​ധി​ക്കു​ന്ന​തും കാ​ണാം.

പാ​ർ​ട്ടി​യു​ടെ സം​സ്ഥാ​ന അ​ധ്യ​ക്ഷ​നാ​യ ചൗ​ധ​രി​ത​ന്നെ​യാ​ണ് മ​റ്റു കോ​ൺ​ഗ്ര​സ് മ​ണ്ഡ​ല​ങ്ങ​ളി​ലും സി.​പി.​എം സ്ഥാ​നാ​ർ​ഥി​ക​ളു​ടെ പ്ര​ചാ​ര​ണ​ത്തി​നും ഓ​ടു​ന്ന​ത്. ദേ​ശീ​യ​ത​ല​ത്തി​ൽ ഇ​ൻ​ഡ്യ സ​ഖ്യ​ത്തി​ന്റെ ഭാ​ഗ​മാ​യ മ​മ​ത​യെ പി​ണ​ക്കാ​തി​രി​ക്കാ​ൻ രാ​ഹു​ൽ ഗാ​ന്ധി, പ്രി​യ​ങ്ക, ഖാ​ർ​​ഗെ തു​ട​ങ്ങി ദേ​ശീ​യ നേ​തൃ​ത്വ​ത്തി​ലാ​രെ​യും ബം​ഗാ​ളി​ൽ കാ​ണാ​നെ​യി​ല്ല.

കോ​ൺ​ഗ്ര​സ് കോ​ട്ട​ക​ളാ​യി​രു​ന്ന മാ​ൾ​ഡ, മു​ർ​ശി​ദാ​ബാ​ദ്, ബീ​ർ​ഭൂം ജി​ല്ല​ക​ൾ തൃ​ണ​മൂ​ൽ കോ​ൺ​ഗ്ര​സ് പി​ടി​ച്ചെ​ടു​ത്ത​പ്പോ​ഴും ത​ക​രാ​തെ​നി​ന്ന മ​ണ്ഡ​ല​മാ​ണ് ബ​ഹ്റാം​പു​ർ. മേ​യ് 13ന് ​ന​ട​ക്കു​ന്ന നാ​ലാം​ഘ​ട്ട​ത്തി​ലാ​ണ് മ​ണ്ഡ​ല​ത്തി​ലെ തെ​ര​ഞ്ഞെ​ടു​പ്പ്.