വിവാഹ പ്രായം ഉയർത്തുന്നതിനെതിരെ പ്രധാനമന്ത്രിക്ക്​ സി.പി.എമ്മി​ന്‍റെ കത്ത്

ന്യൂഡൽഹി: വിവാഹ പ്രായം ഉയർത്താനുള്ള ശൈശവ വിവാഹന നിരോധന ഭേദഗതി ബിൽ പാർലമെൻറി​െൻറ സ്​ഥിര സമിതിക്ക്​ വിടണമെന്ന്​ സി.പി.എം രാജ്യസഭാ നേതാവ്​ എളമരം കരീം പ്രധാനമന്ത്രിക്ക്​ കത്ത്​ നൽകി. സ്ത്രീകളുടെ വിവാഹപ്രായം ഉയർത്തുന്ന ബിൽ ധൃതിപിടിച്ച് അവതരിപ്പിക്കരുതെന്നും ബിൽ സ്​ഥിര സമിതിക്ക്​ വിടണമെന്നും കത്തിൽ ആവശ്യപ്പെടുന്നു.

സമൂഹത്തിലെ എല്ലാ വിഭാഗങ്ങളെയും ബാധിക്കുന്ന ദൂരവ്യാപകമായ പ്രത്യാഘാതങ്ങളുണ്ടാക്കുന്ന നിയമമാണിതെന്ന്​ കരീം കത്തിൽ ഒാർമിപ്പിച്ചു. വിവാഹ പ്രായം ഉയർത്തിയാൽ ലിംഗസമത്വം വരുമെന്ന വാദം തെറ്റാണെന്നും പുരുഷന്മാരുടെ വിവാഹ പ്രായം 21ൽ നിന്ന്​ 18 ആക്കി കുറക്കാനാണ്​ നിയമ കമീഷൻ ആവശ്യപ്പെട്ടതെന്നും കത്തിലുണ്ട്​.

പ്രായ പരിധി ഉയർത്താനുളള നിയമ നിർമാണത്തിനെതിരെ സി.പി.എം അനുഭാവമുള്ള അഖിലേന്ത്യാ അഭിഭാഷക സംഘടനയായ ഇന്ത്യൻ ലോയേഴ്​സ്​ യൂനിയനും രംഗത്തുവന്നു.

സ്​ത്രീകളുടെ വിവാഹ പ്രായം 18ൽ നിന്ന്​ 21ആക്കി ഉയർത്താനുള്ള കേന്ദ്ര സർക്കാർ നീക്കം യുക്​തി ഹീനവും വിപരീതഫലമുളവാക്കുന്നതുമാണെന്ന്​ ഇന്ത്യൻ ​േലായേഴ്​സ്​ യൂനിയൻ കുറ്റപ്പെടുത്തി.

പങ്കാളി​, വിവാഹം, കുടുംബം എന്നീ കാര്യങ്ങളിൽ സ്​ത്രീക്കുള്ള സ്വയം നിർണയാവകാശത്തിന്​ തിരിച്ചടിയായ നിയമ നിർമാണം പുരുഷാധിപത്യപരവും ജനാധിപത്യവിരുദ്ധവുമാണെന്ന്​ യുനിയൻ കുറ്റപ്പെടുത്തി. 18 വയസിൽ സ്​ത്രീക്ക്​ വിവാഹം നിർബന്ധമാക്കുന്നില്ലെന്നും വിവാഹ കാര്യത്തിൽ തെരഞ്ഞെടുപ്പിനുള്ള സ്വാതന്ത്ര്യം നൽകുകയാണെന്നും യൂനിയൻ ചുണ്ടിക്കാട്ടി.