ടേപ്പ്​ ഒട്ടിച്ച വിൻഡോ ഗ്ലാസുമായി സർവീസ്​​​; മാപ്പുചോദിച്ച്​ സ്​പൈസ്​ ജെറ്റ്​

ബംഗളൂരു: പൊട്ടിയ വിൻഡോയിൽ ടേപ്പ്​ ഒട്ടിച്ച്​ സർവീസ്​ നടത്തിയതിന്​ ക്ഷമചോദിച്ച്​ സ്​പൈസ്​ ജെറ്റ്. ചൊവ്വാ ഴ്​ച മുംബൈയിൽ നിന്നും ഡൽഹിയിലേക്ക്​ സർവീസ്​ നടത്തിയ സ്​പൈസ്​ ജെറ്റ്​ എസ്​.ജി 8152 വിമാനത്തിലെ ഗ്ലാസാണ്​ പൊട്ടി യിരുന്നത്​. ഇത്​ ടേപ്പ്​ വെച്ച്​ ഒട്ടിച്ച നിലയിലായിരുന്നു.

പൊട്ടിയ വിൻഡോ ഗ്ലാസി​​​​െൻറ ചിത്രം ഹരിഹരൻ ശങ്കരൻ എന്ന യാത്രക്കാരൻ ട്വിറ്ററിൽ പങ്കുവെച്ചതോടെ യാത്രാസുരക്ഷ സംബന്ധിച്ച്​ ചർച്ച ഉയരുകയായിരുന്നു. തുടർന്ന്​ കമ്പനി ക്ഷമാപണവുമായി രംഗത്തെത്തി. യാത്രക്കാരുടെ സുരക്ഷിതത്വത്തിൽ വിട്ടുവീഴ്​ച ചെയ്യില്ലെന്നും സംഭവിച്ച തെറ്റിൽ ഉടൻ നടപടിയുണ്ടാകുമെന്നും എയർലൈൻ പ്രസ്​താവനയിലൂടെ അറിയിച്ചു.

എന്നാൽ എയർലൈനി​​​​െൻറ വീഴ്​ച ഗുരുതരമാണെന്നാണ്​ ആരോപണം. വിൻഡോ ഗ്ലാസ്​ പൊട്ടിയത്​ ജീവനക്കാരുടെ ശ്രദ്ധയിൽപെട്ടതുകൊണ്ടാണ്​ ടേപ്പ്​ ഒട്ടിച്ചിട്ടുണ്ടാവുകയെന്നും അറ്റകുറ്റപ്പണി നടത്താതെ സർവീസ്​ നടത്തിയത്​ യാത്രക്കാരുടെ സുരക്ഷയിൽ കാണിച്ച അലംഭാവമാണെന്നും യാത്രക്കാർ പ്രതികരിച്ചു.

യാത്രാമധ്യേ ഗ്ലാസ്​ പൂർണമായും പൊട്ടിയിരുന്നുവെങ്കിൽ വിമാനത്തിനുള്ളിൽ മർദ്ദം ഏറി വൻദുരന്തം സംഭവിക്കുമായിരുന്നു.