പിടികിട്ടാപ്പുള്ളിയായിരിക്കെ കണ്ണൂരിൽ അറസ്റ്റിലായ ബിട്ടി മൊഹന്തി മരിച്ചു

ഭു​വ​നേ​ശ്വ​ർ: രാ​ജ​സ്ഥാ​നി​ൽ ജ​ര്‍മ​ന്‍ യു​വ​തി​യെ ബ​ലാ​ത്സം​ഗം ചെ​യ്ത കു​റ്റ​ത്തി​ന് ശി​ക്ഷ അ​നു​ഭ​വി​ക്ക​വേ പ​രോ​ളി​ലി​റ​ങ്ങി കേ​ര​ള​ത്തി​ലേ​ക്കു​ക​ട​ന്ന് ആ​ൾ​മാ​റാ​ട്ട​ത്തി​​ലൂ​ടെ ജോ​ലി നേ​ടി ഒ​ടു​വി​ൽ പി​ടി​യി​ലാ​യ ഒ​ഡി​ഷ സ്വ​ദേ​ശി ബി​ട്ടി ഹോ​ത്ര മൊ​ഹ​ന്തി (40) മ​രി​ച്ചു. അ​ർ​ബു​ദ​ബാ​ധി​ത​നാ​യി ഭു​വ​നേ​ശ്വ​റി​ലെ എ​യിം​സി​ൽ ചി​കി​ത്സ​യി​ലി​രി​ക്കെ​യാ​ണ് മ​ര​ണം. ഒ​ഡി​ഷ മു​ൻ ഡി.​ജി.​പി (ജ​യി​ൽ) ബി.​ബി. മൊ​ഹ​ന്തി​യു​ടെ മ​ക​നാ​ണ്.

ബ​ലാ​ത്സം​ഗ​ക്കേ​സി​ൽ ശി​ക്ഷ അ​നു​ഭ​വി​ക്ക​വേ, രോ​ഗി​യാ​യ അ​മ്മ​യെ കാ​ണാ​ൻ 2006ല്‍ ​പ​രോ​ളി​ലി​റ​ങ്ങി​യ ശേ​ഷം മു​ങ്ങി കേ​ര​ള​ത്തി​ൽ ക​ഴി​യു​ക​യാ​യി​രു​ന്നു. രാ​ഘ​വ് രാ​ജ് എ​ന്ന പേ​രി​ൽ പ​ത്താം ക്ലാ​സ് മു​ത​ല്‍ എ​ന്‍ജി​നീ​യ​റി​ങ് ഡി​ഗ്രി സ​ര്‍ട്ടി​ഫി​ക്ക​റ്റ് വ​രെ വ്യാ​ജ​മാ​യി ഉ​ണ്ടാ​ക്കി. ക​ണ്ണൂ​ര്‍ സ​ര്‍വ​ക​ലാ​ശാ​ല​യി​ല്‍നി​ന്ന് എം.​ബി.​എ ബി​രു​ദ​മെ​ടു​ത്തു. തു​ട​ര്‍ന്ന് എ​സ്.​ബി.​ടി ശാ​ഖ​യി​ല്‍ പ്ര​ബേ​ഷ​ന​റി ഓ​ഫി​സ​റാ​യി ജോ​ലി​യി​ല്‍ പ്ര​വേ​ശി​ച്ചു. അ​ഞ്ചു​വ​ര്‍ഷം ക​ണ്ണൂ​രി​ല്‍ താ​മ​സി​ച്ച ബി​ട്ടി​യെ 2013ല്‍ ​പ​ഴ​യ​ങ്ങാ​ടി പൊ​ലീ​സ് തി​രി​ച്ച​റി​ഞ്ഞ് കേ​സെ​ടു​ക്കു​ക​യാ​യി​രു​ന്നു.

എ​ന്നാ​ൽ, രാ​ഘ​വ് രാ​ജ് ബി​ട്ടി​യാ​ണെ​ന്ന് തെ​ളി​യി​ക്കാ​ൻ പ്രാ​ഥ​മി​ക അ​ന്വേ​ഷ​ണ​ത്തി​ൽ സാ​ധി​ച്ചി​രു​ന്നി​ല്ല. രാ​ഘ​വ് രാ​ജ് എ​ന്ന പേ​രി​ല്‍ ക​ഴി​യു​ന്ന​ത് ബി​ട്ടി മൊ​ഹ​ന്തി​യാ​ണെ​ന്നു​കാ​ണി​ച്ച് ബാ​ങ്ക് അ​ധി​കൃ​ത​ര്‍ക്കും പൊ​ലീ​സി​നും ല​ഭി​ച്ച ഒ​രു ക​ത്തി​ൽ​നി​ന്നാ​ണ് പ്ര​തി​യെ തി​രി​ച്ച​റി​ഞ്ഞ​ത്. തു​ട​ർ​ന്ന് രാ​ജ​സ്ഥാ​ൻ പൊ​ലീ​സ് വീ​ണ്ടും അ​റ​സ്റ്റ് രേ​ഖ​പ്പെ​ടു​ത്തി. 2023ൽ ​സു​പ്രീം​കോ​ട​തിയിൽനിന്ന് ജാ​മ്യം നേടി ഒ​ഡി​ഷ​യി​ലെ​ത്തി ഹൈ​കോ​ട​തി അ​ഭി​ഭാ​ഷ​ക​നാ​യി പ്രാ​ക്ടീ​സ് ചെ​യ്യുകയായിരുന്നു.