മുതല കരയുക മാത്രമല്ല, പതുങ്ങി വന്ന്​ ഇരയും പിടിക്കും; ശ്വാസമടക്കിപ്പിടിച്ചേ ​ ഇൗ വിഡിയോ കാണാനാകൂ..

മുതലയുടെ കരച്ചിലും കണ്ണീരുമാണ്​ ഇപ്പോൾ വാർത്തകളിൽ നിറയുന്നത്​. മുതലക്കണ്ണീരിനെ കുറിച്ച്​ ശോഭാ ഡേയെ പോലുള്ളവർ വിശദമായ ലേഖനങ്ങൾ പോലും എഴുതുകയാണ്​. എന്നാൽ, മുതലകൾ എങ്ങിനെയാണ്​ ഇരയെ പിടിക്കുന്നത്​ എന്ന്​ വിശദമാക്കുന്ന ഒരു വിഡിയോ ആണ്​ ഇപ്പോൾ സാമൂഹിക മാധ്യമങ്ങളിൽ വൈറൽ.

രാജസ്​ഥാനിലെ കോട്ടക്കടുത്ത്​ ചമ്പൽ നദിക്കരയിൽ നിന്ന്​ പകർത്തിയ വിഡിയോയാണ്​ ഇത്​. നദിക്കരയിൽ അലഞ്ഞു നടക്കുന്ന ഒരു നായയെ മുതല ഇരയാക്കുന്നതി​െൻറ ഒന്നര മിനിറ്റ്​ ദൈർഘ്യമുള്ള വിഡിയോയിൽ മുതലയുടെ വേട്ട എങ്ങനെയാണെന്ന്​ വ്യക്​തമാകും.

നദിക്കരയിൽ ഒരു നായ വെറുതെ അലയുന്ന ദൃശ്യങ്ങളാണ്​ ആദ്യം. അപ്പോൾ നദിയിൽ ദൂരെയായി ചെറിയൊരു അനക്കം മാത്രമാണ്​ കാണാനാകുക. നായ നടക്കുന്നതിനനുസരിച്ച്​ വെള്ളത്തിലെ ആ 'അനക്കവും' പിന്തുടരുന്നതായി കാണാം. പുറമെക്ക്​ ബഹളമൊന്നുമില്ലാതെ നദിയിൽ അൽപം ദൂരെയായി വെള്ളത്തിൽ ചെറു ഒാളങ്ങൾ നായയെ പിന്തുടരുന്നത്​ കാണാം.

നദിക്കരയിൽ അലയുന്ന നായ വെള്ളത്തിനടുത്തേക്ക്​ നടന്നെത്തു​േമ്പാൾ ആ ചെറു ഒാളങ്ങളും നായക്കടുത്തേക്ക്​ വരുന്നുണ്ട്​. അപ്പോൾ മാത്രമാണ്​, ആ ചെറു ഒാളങ്ങൾക്ക്​ താഴെയായി ഒരു മുതലയെ കാണാനാകുക. നായ വെള്ളത്തിൽ നിന്ന്​ കയറാൻ തുനിയു​േമ്പാഴേക്ക്​ വെള്ളത്തിനടയിൽ നിന്ന്​ ഉയർന്നുപൊങ്ങുന്ന മുതല, നിമിഷനേരം കൊണ്ട്​ നായയെ കടിച്ചെടുത്ത്​ വെള്ളത്തിലേക്ക്​ ഉൗളിയിടും.

ഒരുകുതിപ്പ്​ മാത്രമാണ്​ മുതല നടത്തുന്നത്​. അതിനകം നായ അതി​െൻറ വായിലായി. ഒരു ചെറു ശബ്​ദം മാത്രമാണ്​ നായിൽ നിന്ന്​ പുറത്തുവരുന്നത്​. അപ്പോഴേക്ക്​ നായെ കടിച്ചെടുത്ത മുതല വെള്ളത്തിലേക്ക്​ ഉൗളിയിട്ട്​ പോയിക്കഴിഞ്ഞിരുന്നു. നദിയും നദിക്കരയും മുമ്പുണ്ടായിരുന്നത്​ പോലെ ശാന്തമായിരിക്കും. അവിടെ അങ്ങനെ ഒരു നായ ഉണ്ടായിരുന്നില്ലെന്നു പോലും തോന്നും അപ്പോഴത്തെ ശാന്തത കണ്ടാൽ.